Կամավոր ջան, արի՛
«Կարանտինի ժամանակ շատ մարդիկ չեն կողմնորոշվում, թե ինչպես կարելի է անցկացնել ժամանակը»: Հենց այս արտահայտությամբ սկսվեց մեր կամավորական առաջին արշավը, ինչը իր հետ բերեց լիքը օգուտներ, հավես պահեր ու ամենակարևորը` նպատակային ջանքեր, որ բերեցին ժպիտներ: Իսկ այժմ բերել ենք ևս մեկ հրաշալի նորություն. արդեն սկիզբ ենք դնում կամավորական երկրորդ արշավին: Բայց մինչ այդ ծանոթանանք առաջինի արդյունքներին:
Ի՞նչ բերեց կամավորական առաջին արշավը
Մեր առաջին արշավի ժամանակ մենք ունեցանք երկու տասնյակից ավելի գրանցված մասնակից: Աշխատանքները սկսելուն պես մեծ ակտիվություն նկատվեց մեր կամավորների կողմից: Որոշակի ժամանակ աշխատելուց հետո մեր կամավորները արդեն ստեղծեցին իրենց առաջին հոդվածը, ապա երկրոդը, երրորդը ու այդպես մի քանի հարյուրը: Օր օրի ավելի հետաքրքիր հոդվածներ էին ստեղծվում, դիտումները ավելանում, կայքի շուրջ նոր մարդիկ էին հավաքվում: Մեր կամավորները ձեռք բերեցին նոր ընկերներ, նոր հմտություններ: Սակայն նրանց նաև սպասվում էր ավելի մեծ անակնկալ. ակտիվները միացան թիմին:
Ահա ձեզ ենք ներկայացնում մեր թիմի անդամներից մի քանիսի կարծիքը կամավորական արշավի վերաբերյալ.
– Ես ստացա բազմաթիվ նոր հմտություններ, որոնց ստանալը ոչ միայն հետաքրքիր է, այլև օգտակար:
– Ես էլ նոր ծանոթներ ձեռք բերեցի, որոնցից մի քանիսի հետ ընկերացա: Իսկ թիմի հետ աշխատանքը ուղղակի հիանալի է:
– Լինելով ապագա լրագրող, շատ է օգնել newsflow.am-ը, օգնել է ինքնուրույն սովորել ու պարզեցնել լրագրությունը, հմտանալ գործում, սովորել եմ թե ինչպե՞ս կարելի է հարցազրույց վերցնել, ինձ այդ հարցում օգնեցին կամավորները:
– Նոր , հավես, խելացի, դրական էներգիայով ընկերներ.. Կայքի շնորհիվ շատ ինֆորմացիա ստացա: Ու սկսեցի ավելի պատասխանատու լինել:
– Լիքը նոր բաներ, որոնք մինչև կայքում աշխատելը չգիտեի ու դժվար թե հետագայում իմանայի:
– Խորացել եմ հոգեբանության մեջ, ավելի շատ հոգեբանական հոդվածներ եմ գրել, ու դրա միջոցով նաև ճանաչել եմ ինքս ինձ:
– Միաժամանակ կրթվելով փորձում եմ հոդված գրելու միջոցով կրթել նաև կարդացողին:
– Ընկերներիս մի փոքր ժպիտ եմ նվիրել, ցույց տալով իրենց հեղինակային բանաստեղծությունը հրապարակված կայքում:
Ի՞նչ է մեր կամավորական արշավը
Առցանց արշավ է, որի ընթացքում հավաքվելու են բազմաթիվ կամավորներ` միևնույն նպատակի համար: Այս կամավորները մեր կայքի աշխատակազմի հետ միասին զարգացնելու են մեր նախագծերը և նպաստելու են շատ մարդկանց փոքրիկ երազանքների իրականացմանը:
Այս առցանց աշավի նպատակն է բացահայտել տաղանդավոր մարդկանց, պատմել մեր գյուղերի մասին ու հիասքանչ մտքերը ներկայացնել հանրությանը:
Ի՞նչ են անելու կամավորները
Կամավորները բաժանվելու են տարբեր խմբերի: Բաժանում տեղի է ունենալու նրանց հմտությունների և համապատասխան կարիքների հիման վրա: Հիմնական գործողությունները լինելու են սրանք.
- Տարածել մարդկանց շրջանում առկա հնարավորությունները և հոդվածները,
- Հավաքագրել մարդկանցից ստացվող ինֆորմացիան,
- Մշակել ստացված ինֆորմացիան և տեղադրել կայքում:
Առավել մանրամասն կամավորները կտեղեկացվեն գրանցվելուց հետո:
Ի՞նչ օգուտ են ստանալու կամավորները
Ինչպես ցանկացած կամավորական արշավ, այնպես էլ մերը կամավորները ունենալու են հետևյալ օգուտները.
- Սովորել նոր հմտություններ,
- Գտնել նոր ու լիքը ծանոթներ,
- Օգտակար և հաճելի ձևով օգտագործել ժամանակը,
- Ստանալ դրական էներգիա
- Ձեռք բերել լիքը կապեր
Ինչպես նաև մեր կամավորներին անակնկալներ են սպասվում հետագայում մեր կայքի կողմից:
Ովքե՞ր և մինչև ե՞րբ կարող են գրանցվել
Գրանցվել կարող են բոլոր ցանկացողները, ովքեր գիտեն գրել ու կարդալ մինչև հուլիսի 21-ը:
Մենք սպասում ենք հենց քեզ:
Ինչպե՞ս գրանցվել
Գրանցումից հետո սպասեք մեր արձագանքին:
