Ճանաչիր ինձ – Ջիվան Ավետիսյան

Հոդվածը պատմում է ռեժիսոր Ջիվան Ավետիսյանի մասին:

Կինոռեժիսորը ծնվել է 1981 թվականի նոյեմբերի  19-ին Գյումրիում, ապրել՝ Ստեփանակերտում, բնակվում՝ Երևանում:

Ռեժիսորը  2002-2007 թվականներին սովորել է Երևանի թատրոնի և կինոյի պետական ինստիտուտի խաղարկային ֆիլմի ռեժիսուրայի ֆակուլտետում:

1998-1999 թվականներին աշխատել է Ստեփանակերտի հեռուստատեսությունում ՝ որպես լուսային ձևավորող, ապա ՝ հեռուստահաղորդումների ռեժիսոր,  2003-2009 թվականներին «Երկիր Մեդիա» հեռուստաընկերությունում՝ որպես հեռուստաֆիլմերի և հեռուստահաղորդումների ռեժիսոր:

2013 թվականին  Համաշխարհային հայկական կոնգրեսի Ռուսաստանի հայերի միության՝ «Լավագույն գիտական և ստեղծագործական աշխատանքի» համահայկական մրցանակաբաշխության ժամանակ «Մեր սահմանը»  վավերաֆիլմի  սցենարի համար արժանացել է մրցանակի՝ որպես լավագույն սցենար:

Ջիվան Ավետիսյանը հանդիսանում է մի շարք գեղարվեստական ֆիլմերի հեղինակ, ինչպիսիք են «Թևանիկը»,       «Վերջին բնակիչը» և «Դրախտի դարպասը»։

«Թևանիկ» ֆիլմը ցուցադրվել է Հայաստանի մարզերում և քաղաքներում, ինչպես նաև աշխարհի 20 -ից ավելի երկրներում։

Ինչպես նաև, 2014 թվականին արժանացել է գլխավոր մրցանակի՝ «խաղարկային լավագույն լիամետրաժ ֆիլմ» «Ոսկե ծիրան միջազգային կինոփառատոնի» շրջանակներում։

Ֆիլմի գլխավոր հերոսները 14 տարեկան 3 պատանիներ են՝ Արամը, Աստղիկը,  Թևանիկը, որոնք ֆիլմը բաժանում են 3 մասի։ Հերոսներն ու նրանց պատմությունները տարբեր են, բայց պատմությունը մեկն է՝ պատերազմը քանդում ու բաժանում է ընտանիքներ։

«Վերջին բնակիչը» ստեղծվել է 2016թ.-ին։ Ֆիլմը նկարահանվել է Ծովինար Խաչատրյանի «Գյուրջևանի վերջին բնակիչը» պատմվածքի հիման վրա։

Ֆիլմը պատմում է գյուղի վերջին բնակչի մասին։ Գյուղը դատարկվել է արցախյան հակամարտությունից հետո։ Սակայն գլխավոր հերոսը չի կարող գյուղը լքել, քանի որ սպասում է դստեր վերադարձին, որը ջարդերից հետո հոգեբուժարանում է հայտնվել։

«Դրախտի դարպասը»  Արցախյան  պատերազմին նվիրված լիամետրաժ ֆիլմ է, որը ռեժիսորը նկարահանել է 2018 թվականին։

2014  թվականից  Ջիվան Ավետիսյանը հանդիսանում է  «Ֆիշ այ Արթ»     մշակութային հիմնադրամի տնօրենը:

 

Ձեզ նույնպես կարող է դուր գալ