Ճանաչիր ինձ – Սելինա Սիմոնյան

Ողջույն …  Եկել  եմ    Ձեզ  մի  փոքր  իմ  մասին   պատմելու:

Ես Սելինա  Սիմոնյանն  եմ,  20 տարեկան: Ծնվել  և  ապրում  եմ  Հայաստանի  ամենամեծ  ու ինձ  համար ամենագեղեցիկ`  Գեղարքունիքի  մարզի  գյուղ  Վարդենիկում: Սովորել  եմ  Արտակ  Օհանյանի   անվան  դպրոցում,  ապա  շարունակել  եմ կրթությունս  ավագ  դպրոցում:

Դեռ  դպրոցական  տարիներից   ինձ  անսահման  հետաքրքիր  էր  ստեղծագործական  աշխարհը: Դպրոցական  տարիքից  սկսել  եմ  մտքերս  թղթին  հանձնել: Սկզբում  արձակ ստեղծագործություններ  էի գրում,  բայց  հիմա  սկսել  եմ ավելի  շատ  բանաստեղծություններ  գրել….

Ինքս  ինձ  հաճախ  չեմ  էլ  հասկանում,

Թե  Մտքով  այդպես որտեղ  եմ  ճախրում,

Թե  ինչ  եմ  փնտրում  այդ հեռուներում,

Եվ  ինչ   կգտնեմ, չեմ պատկերացնում…..:

Բայց սերս  ստեղծագործելու  հանդեպ   միայն  գրելով  չի  արտահայտվում: Զբաղվում  եմ նկարչությամբ,  ուլունքագործությամբ:

Դե  ուլունքագործությունը  յուրօրինակ  արվեստ  է  ինձ  համար:  Դու  ես ,  այդ  փոքրիկ,  գույնզգույն  ուլունքները:Մնում  է  միայն   միացնել  իրար  ու  վերջ  ստեղծագործությունդ  պատրաստ  է:

Դե  իսկ  վերջում էլ ամփոփեմ իմ տողերով:

 

Ես  այսօր  կրկին  նայում եմ  հեռուն,

Ուզում  եմ  տեսնել  ապագան  խոսուն,

Ուզում եմ ապրել հույսերով լեցուն,

Ու կյանքս  տեսնել ծաղկած ու  սիրուն:

Մտովի մի վառ երազ  եմ ստեղծում,

Շարունակ  ապրում ստեղծած երազով,

Կան  բաներ,  որոնց  չեմ  հասնի կյանքում

Ու կբավարարվեմ զուտ  երազելով:

Եվ  հիմա  նորից  հեռուն  նայելով

Փորձում  եմ  գտնել  մի  կորած  հեքիաթ,

Փորձում եմ կյանքս լցնել գույներով

Ու հեքիաթ  դարձնել ամեն  ակնթարթ…