Վառվող մեքենայից Ջալալ Հարությունյանին փրկել է մարտունեցի 63 ամյա բնակիչ
Արցախի պաշտպանության բանակի հրամանատար Ջալալ Հարությունյանը պատերազմական օրերին ծանր վիրավորվում էր ստացել։ Թշնամին հեռահար հարվածել էր այն մեքենային, որում գտնվում էր հրամանատարը։ Մարտունեցի 63-ամյա բնակիչ Ռոբերտ Ասրիբաբյանը ընկերոջ հետ նկատել են վառվող մեքենան և շտապել օգնության։ Օգնելուց հետո են իմացել, որ վիրավորը Ջալալ Հարությունյանն է. «Այդ պահին չգիտեինք էլ, թե ով է մեքենայում» tert.am-ի հետ զրույցում նշել է Ռոբերտը։
Ռոբերտը պատմում է, որ նկատել են հեռվում վառվող ՈւԱԶ մակնիշի ավտոմեքենան, օգնության են կանչել իր որդուն և նրա ընկերոջը, ովքեր մեքենայով եկել են և միասին կրակի միջից հանել են 5 վիրավորներին, որոնց հիվանդանոց է տեղափոխել շտապ օգնության մեքենան ։ Ասրիբաբյանը նշել է նաև, որ իր տանը զրահաբաճկոն և զենք է մնացել, բայց թե վիրավորներից ում են դրանք պատկանում չգիտի։
Հիշեցում. Հոկտեմբերի 27-ին Արցախի պաշտպանության նախարար, պաշտպանության բանակի հրամանատար Ջալալ Հարությունյանին Արցախի Հանրապետության նախագահ Արայիկ Հարությունյանը ազատել էր պաշտոնից՝ տեղեկացնելով , որ վերջինս վիրավորվել է։ Իսկ դեկտեմբերի 4-ին հայտնի դարձավ, որ Ջալալ Հարությունյանը դուրս է գրվել հիվանդանոցից։
