Իսպանիա, պաշտոնական անվանում՝ Իսպանիայի Թագավորություն, պետություն է Եվրոպայի հարավ-արևմուտքում։ Պաշտոնական լեզուներն են իսպաներենը, կատալոներենը, բասկերենը, գալիցիերեն և արագոներենը։ Իսպանիայի բնակչությունը 46 030 109 մարդ է (2010)։ Մայրաքաղաքը Մդրիդն է։ Իսպանիան երկրորդ ամենամեծ երկիրն է  Արևմտյան Եվրոպայում և Եվրոպական միության տարածքում և հինգերորդ խոշորագույն երկիրը Եվրոպայում: Ժամանակակից Իսպանիան սահմանադրական միապետություն է։ Իսպանիան զարգացած երկիր է և 2015 թվականին ՀՆԱ-ի ծավալով աշխարհի խոշորագույն տնտեսությունների ցանկում զբաղեցնում էր 14-րդ հորիզոնականը: Իսպանիայի տնտեսության համար հիմնական խնդիրը դարձավ տնտեսական ճգնաժամը: Իսպանիան անդամակցում է ՄԱԿ-ին, ՆԱՏՕ-ին, ՏՀԶԿ-ին և ԱՀԿ-ին։

Հետաքրքիր փաստեր 

1. Իսպանական դրոշը խորհրդանշում է կորիդան(ցլամարտ)։ Դեղին գույնը ավազն է, իսկ կարմիրը՝ արյունը, որը թափվել է նրա վրա։ Իմիջիայլոց ցլերը գույները չեն տարբերում և կարմիր գույնը նրանց ընդհանրապես չի նյարդայնացնում։
2. Իսպանիայի բնակչությունը հասնում է 46 միլիոնի։ Բնակչության 95%-ը կաթոլիկներ են։
3. Ամենատարածված սպորտաձևը ֆուտբոլն է։ 2010 թվականին Իսպանիայի ֆուտբոլի հավաքականը դարձել է աշխարհի չեմպիոն։
4. Իսպանիան գինու արտադրությամբ աշխարհում զբաղեցնում է երրորդ տեղը։ Գինի են պատրաստում երկրի բոլոր շրջաններում։ Առաջին երկու տեղերը զբաղեցնում են Ֆրանսիան և Իտալիան։
5. Զարմանալի է, սակայն Իսպանիայի շրջաններից յուրաքանչյուրը խոհանոցով, սովորություններով և լեզվով  խիստ տարբերվում է մնացածից։
6. Իսպանիայում ընթրիքի համար նորմալ ժամ է համարվում երեկոյան ժամ 9-10-ը։
7. Իսպանիան Եվրոպայի ամենալեռնային երկիրն, իակ նրա մայրաքաղաք Մադրիդը Եվրոպայում ամենաբարձր մայրաքաղաքն է:
8. Իսպանացիները շատ էմոցիոնալ ազգ են, այս պատճառով շփման ժամանակ նրանք շատ մոտ են կանգնում և շատ հաճախ բռնում են ձեռքից։
9. Հայտնի իսպանական պարային ժանր է ֆլամենկոն: Այն բնորոշվում է արագ շարժումներով և խճճված քայլերով: Բազմաթիվ զբոսաշրջիկների կարծիքով` ֆլամենկո պարը Իսպանիայի ոգին է:
10. Իսպանական տարօրինակ տոներից ամենահայտնին լոլիկներով ճակատամարտն է կամ տոմատինոն: 1945 թվականին իսպանական Բունոլ քաղաքում դիմակահանդեսի ժամանակ երկու ընկեր են վիճել: Բարկացած ժամանակ նրանք սկսել են իրար վրա նետել լոլիկներ: Ահա այդպես է ծնվել այդ տոնը:
11. Ավանդության համաձայն ` Իսպանիայում հարսանիքի ժամանակ հարսի վարսերը զարդարում են ծաղկած ծառի ճյուղերով, որը իսպաներենից թարգմանաբար նշանակում է «չինական խնձոր»: Իսկ այդ կենսախինդ ծառի արևահամ պտուղները համարվում են սիրո և երջանկության ազգային խորհրդանիշները: Դա նարինջն է:
12. Հենց իսպանացիներն էին Եվրոպա բերում այնպիսի բաներ, ինչպիսիք են լոլիկը, կարտոֆիլը, ավոկադոն, ծխախոտը, կակաոն:
13.  Ամանորի գիշերը ժամացույցի զարկերի հետ իսպանացիները պետք է հասցնեն ուտել խաղողի 12 հատիկ, որպեսզի իրականանան նրանց երազանքները:
14. Իսպանացիներն ավանդաբար ունեն երկու ազգանուն: Մեկ ազգանունը վերցված է մորից, իսկ երկրորդը ՝ հորից:
15. Իսպանիան շատ արևային երկիր է։ Տարեկան միջինում 280 օր արևային է լինում։