Աստված չի ասում աղոթիր և նստիր, աղոթքի հետ մեկտեղ պահպանենք հակահամաճարակային կանոնները / Իսահակ Հակոբյան
– Ինչպե՞ս եք գնահատում ներկայիս զարգացումները կապված համաճարակի հետ:
– Դիտարկենք հոգևորի տեսանկյունից, ինչը սպասելի էր, և բնականաբար գնահատական տալը անիմաստ է, ըստ իս։ Քանի որ, մինչ օրս մարդկությունը պայքարում էր բնության դեմ, իսկ այժմ բնությունն է պայքարում գոյատևման համար։
– Ըստ Ձեզ ի՞նչը կարող է խթանել բնության վերականգնմանը, և արդյո՞ք համաճարակից հետո նույնը չի կրկնվի, ինչ դրանից առաջ էր:
– Այն հարցին, թե ի՞նչը կարող է խթանել բնության վերականգնմանը, երևի ավելի լավ կարող են պատասխանել բնապահպանները, իսկ մյուս հարցը՝ կրկնվելու վերաբերյալ, հիշենք, որ կյանքում ինչ ցանկանում ենք, դա էլ հնձում ենք, և նույնը կրկնվելու դեպքում ավելի ողբերգական խնդիրների առաջ կկանգնենք, վստահ եմ։
– Իսկ Դուք ի՞նչ եք անում այս իրավիճակում հնարավորինս նպաստելու համար համընդհանուր շահին:
– Ինքս հետևում եմ և պահպանում հակահամաճարակային կանոնները և նույնը հորդորում եմ իմ շրջապատին, պահպանելով թե՛ իմ, թե՛ իմ ընտանիքի և թե՛ դրսում օտար քաղաքացու կյանքը։
– Եվ որպես վերջաբան, ինչ կհորդորեք ՀՀ քաղաքացիներին:
– Մենք Աստվածապաշտ ազգ ենք չմոռանանք դա, և այդուհանդերձ անդադար աղոթենք, քանի որ երկրի վրա ենք ապրում և Աստված չի ասում աղոթիր և նստիր, աղոթքի հետ մեկտեղ պահպանենք հակահամաճարակային կանոնները։ Աստված բոլորիս հետ..
