Գեղեցկության միջազգային օր
Տոնի ստեղծման գաղափարը պատկանում է “CIDESCO” Էսթետիկայի և կոսմետոգոլիայի միջազգային կոմիտեին: Ինչպես նշում են կոմիտեի ներկայացուցիչները, 20-րդ դարը մեծ փոփոխություններ մտցրեց կոսմետոլոգիայի բնագավառում: Այսպիսով, սկսած 1995թ.-ից, պաշտոնապես գոյություն ունի Գեղեցկության միջազգային օրը:
Այս օրն ամբողջ աշխարհում ողջունում են այն ամենը, ինչն առնչվում է գեղեցիկին և գեղագիտությանը:
Շատ երկրներում սեպտեմբերի 9-ին անց են կացվում գեղեցկության մրցույթներ: Ի դեպ, գեղեցկության առաջին մրցույթն անց է կացվել 1888թ. Բելգիայում, առաջին «Միսս Աշխարհը»՝ Լոնդոնում, 1951թ.:
Գեղեցկության մրցույթներից բացի, այս օրն անցկացվում են նաեւ տարբեր երթեր, ակցիաներ եւ փառատոններ, որոնց մասնակցում եւ խրախուսվում են ոչ մոդելային չափանիշներով արտաքին տեսք ունեցող եւ յուրահատկությամբ առանձնացող մարդիկ: Իսկ իրենց պրոֆեսիոնալ տոնն այս օրը նշում են կոսմետոլոգները, կոսմետիկայի արտադրողներն ու վաճառողները, պլաստիկ վիրաբույժները, մոդելային բիզնեսի աշխատողները եւ գեղեցկության արդյունաբերության բոլոր մասնագետները:
