Հետաքրքիրը Բիլլ Գեյթսի մասին

Ամերիկացի մեծահարուստ բիզնեսմեն Բիլլ Գեյթսի անունը բոլորն են լսել: Հիմնականում նրա անունը ասոցացվում է իր կողմից հիմնադրված Microsoft ընկերության հետ: Մենք առանձնացրել ենք փաստեր, որոնք քչերը գիտեն միլիարդատեր և բարեգործ Բիլլ Գեյթսի մասին.

• Գեյթսի հայրը հայտնի իրավաբան էր, իսկ մայրը եղել է մի շարք ընկերություններում տնօրենների խորհրդի անդամ:
• Ծնողները ցանկանում էին, որ տղան դառնա իրավաբան, այդ պատճառով էլ Գեյթսը ընդունվում է Հարվարդի քոլեջ, սակայն հասկանալով, որ իրեն այլ հեռանկարներ են սպասվում, 1975-ին դուրս է մնում քոլեջից:
• Հարվարդից հեռանալուց 2 տարի անց Գեյթսը ձերբակալվում է ԱՄՆ-ի Նյու Մեքսիկո նահանգում առանց վարորդական վկայականի վարելու և կարմիր լույսի ժամանակ վարելու համար:

• Գեյթսը 1994-ին 30.8 մլն դոլարով ձեռք է բերել Լեոնարդո դա Վինչիի ձեռագրերի մի հավաքածու, որը կոչվում է Codex Leicester:

• 1997 թվականից սկսած Գեյթսը երթևեկում է իր սեփական ինքնաթիռով:
• Բիլլը իր ապագա կնոջը՝ Մելինդային հանդիպել է աշխատանքի ժամանակ: Մելինդան աշխատում էր Microsoft ընկերության մարքեթինգի բաժնում: Զույգն ամուսնացել է 1994-ին և ունի 3 երեխա:

• Չնայած ահռելի կարողությանը, Գեյթսը որոշել է իր երեխաներից յուրաքանչյուրին ժառանգություն փոխանցել 10 մլն դոլար: