Հետաքրքիրը ավոկադոյի մասին

Ավոկադոն վիտամիններով և հանքային նյութերով հարուստ միրգ է։ Շատ հետազոտություններ փաստում են առողջության վրա ավոկադոյի դրական ազդեցությունների մասին։ Ներկայացնենք մի քանի հետաքրքիր փաստեր այս զարմանահրաշ մրգի մասին։

1. 100 գրամ ավոկադոն պարունակում է 160 կալորիա, 2 գրամ պրոտեին, 16 գրամ առողջ ճարպեր։ Ավոկադոն խոլեստերին չի պարունակում, հարուստ է բջջանյութով։
2. Ավոկադոն հարուստ է կալիումով։ 100 գրամ ավոկադոն պարունակում է կալիումի օրական անհրաժեշտ պաշարի 14%-ը:
3. Ավոկադոն հարուստ է նաև կարոտինոիդներով, մասնավորապես լյուտինով և զեաքսանտինով, որոնք չափազանց կարևոր են աչքերի առողջության համար։
4. Որպեսզի հնարավոր լինի ավոկադոյի ծառ աճեցնել, անհրաժեշտ է, որ շրջակայքում լինի մեկ այլ ավոկադոյի ծառ։ Պտուղները ևս ծառի վրա զույգերով են աճում։ Պատահական չէ, որ ացտեկների մոտ ավոկադոն համարվել է սիրո խորհրդանիշ։
5. Բացի նրանից, որ ավոկադոյով կարելի է սենդվիչներ և աղցաններ պատրաստել, բրազիլացիները այն օգտագործում են նաև պաղպաղակի վրա։
6. Կարելի է ասել, որ ավոկադոն հասած է, եթե այն ծանր է իր տեսքի համեմատ և ունի մուգ գույն։
7. Ավոկադոն հասնում է միայն ծառից քաղելուց հետո։
8. Կա ավոկադոյի 1062 տեսակ, իսկ ավոկադոյի 1 ծառը տարվա ընթացքում կարող է տալ ընդհուպ մինչև 500 ավոկադո բերք։
9. Համաձայն Գինեսի ռեկորդների գրքի՝ ամենածանր ավոկադոն կշռել է 2.5 կգ։