Ինչպե՞ս հասկանալ սեփական մարմինը


Մարդիկ հաճախ մտածում են, որ իրենց մարմինը սովորական մի մեխանիզմ է և անտեսում են նրա պահանջները:

Օրինակ` ցավ զգալով, չեն խմում դեղ, այլ դիմանում են:
Իրականում նման վերաբերմունքը բավականին վտանգավոր է, անկախ թե տանջող ախտանիշները կապված են հիվանդության, թե գերհոգնածության հետ:
Բոլոր դեպքերում չի կարելի անտեսել անհանգստացնող նշանները:
Չէ՞ որ, ի վերջո, ստիպված կլինես դիմել օգնության:
Ուրեմն, ինչպե՞ս հասկանալ սեփական մարմինը:
Կարդա այս հոդվածում:


Ներկա ժամանակներում շատերը բավականին ուշադիր են սեփական առողջության նկատմամբ և հետևում են առողջ կենսակերպի բոլոր կանոններին:

Իհարկե, դա շատ դրական է և գովելի: Նման մարդիկ ուշադիր հետևում են իրենց սննդակարգին, գիտեն, ինչ կարելի է ուտել, ինչից պետք է խուսափել, ժամանակին ստուգում են սիրտը և անոթները, հետևում են մարմնի ազդանշաններին:

Ցավոք, երբեմն մեր պատկերացումները և իրականությունը բավականին հեռու են իրարից: Ուրեմն, հետևի՛ր մեր խորհուրդներին և սովորիր ճիշտ հասկանալ քո մարմնի ազդանշանները:


Ստուգիր քո օրվա ռեժիմը և սննդակարգը

Արդյո՞ք նորաձև դիետաները և էկզոտիկ մրգերը քեզ համար են:

Գուցե՞ ավելի հարմար է օգտագործել առողջ տեղական մրգեր և բանջարեղեն և չվճարել շատ մեծ գումարներ:

Կարևորը` պետք է սնվել կանոնավոր, օգտագործել բազմազան և առողջ սնունդ:

Եվ անպայման հիշիր ջրի մասին. միշտ ունեցիր քեզ հետ բավականաչափ մաքուր խմելու ջուր, հատկապես շոգ եղանակին:

Նաև հետևիր քո ռեժիմին. պարբերաբար պետք է անել ընդմիջումներ հանգստանալու համար, հաջորդեցնել մտավոր աշխատանքը ֆիզիկականի հետ: Եվ իհարկե, մարմնի և ուղեղի լիարժեք հանգստի համար շատ կարևոր է ապահովել լիարժեք քուն` առնվազն 7-8 ժամվա ընթացքում:

Այնքան շատ կարևոր բաներ… Որպեսզի չմոռանաս դրանց մասին և ոչինչ բաց չթողնես, կարող ես դնել թայմեր կամ զարթուցիչ

Ականջ դիր քո մարմնի ազդանշաններին և հույզերին

Երբեմն պատահում է այնպես, որ առողջության հետ կարծես թե ամեն ինչ կարգին է, բայց մարմինդ ուղարկում է ազդանշաններ:

Նման եղանակով այն կարող է իր դժգոհությունն արտահայտել կոնկրետ իրավիճակի, միջավայրի կամ վարքագծի հետ կապված:

Իսկ ավելի լավ զգալու նպատակով, կարող ես կիրառել մեդիտացիա:

Հետևիր քո հոգեվիճակին, մտքերին և իքնազգացողությանը, եթե քեզ մի բան անհանգստացնում է, պետք չէ այն անտեսել, ավելի խորը մտցնել:

Դու պետք է լինես անկեղծ ինքդ քեզ հետ, դա իսկապես շատ կարևոր է:



Շատ երկար չե՞ս նստած մնացել

Աչքերդ հոգնե՞լ են, ծնկներդ և դաստակներդ ցավո՞ւմ են, դու քեզ զգո՞ւմ ես ծեր և հիվանդ մարդու պես:

Ոչի′նչ, պարզապես մի լավ մարզանք արա:

Շարժվելը և ակտիվ լինելը չափազանց կարևոր է և օգտակար:

Շարժվելու համար կան շատ հնարավորություններ:

Փոքրիկ վարժանքը, զբոսանքը, քո սիրած երաժշտության տակ պարելը, լողը կամ կանոնավոր այցելությունները սպորտդահլիճ կօնեն քեզ վերականգնվել և ավելի լավ զգալ:



Այցելի′ր բժշկի

Նույնիսկ եթե դու քեզ լավ ես զգում և կարծես թե ոչինչ չի ցավում, միշտ կարող ես գնալ բժշկի և ստուգվել` համոզվելով, որ ամեն ինչ կարգին է:

Բժիշկը նաև քեզ տարբեր օգտակար խորհուրդներ կտա, թե ինչպես մնալ լավ ֆիզիկական վիճակում, ինչպես պաշտպանվել տարբեր հիվանդություններից կամ ինչպես ճիշտ կոփվել:



Մի փոքր երես տուր ինքդ քեզ

Եթե ուզում ես, կեր մի կտոր դառը շոկոլադ:

Այո, քաղցրի չարաշահումը վնասակար է:

Բայց երբեմն, ժամանակ առ ժամանակ, կարող ես քեզ թույլ տալ բավականություն պատճառել ինքդ քեզ:

Ուզում ես համեղ տորթ փորձել, կարող ես ուտել մի փոքրիկ կտոր:

Գնիր այն բանը, ինչի մասին վաղուց երազել ես, օրինակ` այցելիր մերսման կամ ջրաշխարհ:

Սիրիր և գնահատիր ինքդ քեզ: Պետք չէ ամաչել քո փոքրիկ ցանկություններից: Քո մարմինը բավականություն կստանա և շնորհակալ կլինի քեզանից: Հենց այսպես այն կդառնա քո ընկերը 🙂

Հույսով ենք, այս պարզ խորհուրդները կօգնեն քեզ, և քո ինքնազգացողությունն ու կյանքը կդառնան էլ ավելի լավը:


Ձեզ նույնպես կարող է դուր գալ