Ինչպե՞ս բարելավել հիշողությունը
Ուշադրության կենտրոնացումը և պահպանումը կարևոր հմտություններ են, որ թույլ են տալիս արդյունավետորեն սովորել և աշխատել:
Շատ օգտակար է դասերը/ հանձնարարությունները հստակ պլանավորել և կազմել թեմատիկ ժամանակացույց, այնուհետ` ստույգ հետևել այդ ժամանակացույցին: Օրինակ` պետք է կրկնես 10 թեմա, ուրեմն գրի առ որոշակի հերթականությամբ, թե որն ես կարդալու որից հետո, ինչքան ժամանակ կարող ես հատկացնել ամեն թեմային: Այնուհետ գործի՛ անցիր:
Սկզբից, երբ հոգնած չես և ունես շատ էներգիա, արա ավելի բարդ հանձնարարությունները` կենտրոնանալով մեկ խնդրի վրա, հետո նոր անցիր ավելի հեշտ դասերին: Մի՛ փորձիր անել միանգամից մի քանի բան:
Նախ ասենք, որ մեր ուղեղը հակված է բազմախնդիր լուծումների, այսինքն փորձում է աշխատել միաժամանակ տարբեր խնդիրների վրա։
Արդյունքում մենք ակամայից շեղվում ենք և դժվարությամբ ենք կենտրոնանում միայն մեկ խնդրի վրա: Հատկապես, երբ կողքից լսում ենք հեռախոսի կամ հեռուստացույցի ձայնը, ստանում ենք հաղորդագրություն կամ շեղվում ենք ինչ-որ այլ բանի վրա: Շատ կարևոր է նաև ընթացքում ընդմիջումներ անել, օրինակ՝ դուրս գալ մաքուր օդ, գնալ զբոսանքի և այլն։
Այսպիսով, ուշադրության կենտրոնացումը արդյունքների և նպատակների վրա կարևոր է, բայց առաջընթացի վրա կենտրոնացումը տալիս է ավելի լավ արդյունքներ:
