ՀՀ նոր թղթադրամների մասին

2018 թվականից շրջանառության մեջ են մտել նոր թղթադրամները։ Յուրաքանչյուր թղթադրամի վրա պատկերված է հայոց պատմության մեջ տեղ գտած անձանց նկարները։ ՀՀ Կենտրոնական բանկը շեշտել է, որ սրանք շրջանառության մեջ ներդրված երրորդ սերնդի թղթադրամներն են։

Դիմերես։ 1000-դրամանոց թղթադրամի վրա  Պարույր Սևակի դիմանկարն է, որի ֆոնին հատվածներ են իր ձեռագրերից և զանգերի պատկերներից։

Դարձերես։ Պարույր Սևակի արձանի պատկերն է, որի ֆոնին իր տունն է և իր ծննդավայր՝ Զանգակատուն գյուղի համապատկերը։

2018թ. նմուշի 1000 դրամ անվանական արժեքով թղթադրամը շրջանառության մեջ է դրվել 2018թ. դեկտեմբերի 25-ին:

Դիմերես։ 2000-դրամանոց թղթադրամի վրա շախմատիստ  Տիգրան Պետրոսյանի դիմանկարն է, որի ֆոնին հատվածներ են շախմատի 9-րդ չեմպիոնի հաղթական խաղերից և շախմատի արքայի թագադրման տեսարանից։

Դարձերես։ Տիգրան Պետրոսյանի արձանի պատկերն է, որի ֆոնին Շախմատի տունն է և Երևան քաղաքի համապատկերը։

2018թ. նմուշի 2000 դրամ անվանական արժեքով թղթադրամը շրջանառության մեջ է դրվել 2018թ. դեկտեմբերի 25-ին:

Դիմերես։ 5000-դրամանոց թղթադրամի վրա Վիլյամ Սարոյանի դիմանկարն է, որի ֆոնին հատվածներ են իր «Նռնենիներ» պատմվածքից, գրքերի նկարազարդումներ, հայկական լեռների ու նռնենիների պատկերներ

Դարձերես։ Վիլյամ Սարոյանի արձանը Երևանում, որի ֆոնին իր նախնիների ծննդավայր՝ Բեղեշի, 20-րդ դարի սկզբի համապատկերն է։

2018թ. նմուշի 5000 դրամ անվանական արժեքով թղթադրամը շրջանառության մեջ է դրվել 2018թ. դեկտեմբերի 25-ին:

Դիմերես։ 10․000-դրամանոց թղթադրամի վրա Կոմիտասի դիմանկարն է, որի ֆոնին իր ձեռագիր նոտագրությունների թերթերն են ու հայկական բնանկարները։

Դարձերես։ Կոմիտասի արձանի պատկերն է, որի ֆոնին Գևորգյան ճեմարանի պատկերն է և ճեմարանի դահլիճի որմնանկարներից հատվածներ։

2018թ. նմուշի 10000 դրամ անվանական արժեքով թղթադրամը շրջանառության մեջ է դրվել 2018թ. նոյեմբերի 22-ին:

Դիմերես։ 20․000-դրամանոց թղթադրամի վրա Հովհաննես Այվազովսկու դիմանկարն է, որի ֆոնին իր կտավներից հատվածներ են և նավի պատկերներ։

Դարձերես։ Հովհաննես Այվազովսկու արձանի պատկերն է, որի ֆոնին իր պատկերասրահի շենքն է և նրա ծննդավայր՝ Թեոդոսիայի համապատկերը։

2018թ. նմուշի 20000 դրամ անվանական արժեքով թղթադրամը շրջանառության մեջ է դրվել 2018թ. նոյեմբերի 22-ին:

Դիմերես։ 50․000-դրամանոց թղոադրամի վրա Սուրբ Գրիգոր Լուսավորչի պատկերն է, որի ֆոնին նրա կյանքն ու գործունեթունը պատմող ձեռագրերից հատվածներն են, խաչքար և Սուրբ Գրիգոր Լուսավորչի Աջը։

Դարձերես։ Սուրբ Գրիգոր Լուսավորչի որմնաքանդակն է, որի ֆոնին Արարատ լեռն է, Խոր Վիրապի վանքը, վանքային համալիրի Սբ Աստվածածին եկեղեցու պատին դրոշմված քրիստոնեության ընդունման տեսարանը։

2018թ. նմուշի 50000 դրամ անվանական արժեքով թղթադրամը շրջանառության մեջ է դրվել 2018թ. նոյեմբերի 22-ին:

100․000 դրամանոց թղթադրամներ այլևս չեն թողարկվում: