Հեղինե Խաչատրյան – «Հայրենիքիս»
Վե´հ հայրենիք, անպա´րտ երկիր,
Հնամենի ի´մ Հայաստան,
Քարքարոտ, բայց լուսե´ երկիր
Չհնացո´ղ ի´մ ապաստան:
Դո´ւ հայրենիք՝ սրտիս տենչանք,
Տաքուկ շոյանք հրայրքի,
Դո´ւ հայրենիք՝ հոգուս տեսիլք,
Անսպառ աղբյուր ներշնչումի:
Հին հայրենիք, հույս անհատնում՝
Խոսուն վկա պայքարների,
Նոր հայրենիք, լույս անհատնում՝
Անմար օջախ պոետների:
Հզո´ր Արցախ, անպարտելի,
Հայաստանի չքնաղ նշխար,
Շենշող մասունք հայոց երկրի,
Դո´ւ անկոտրում, Արցա´խ աշխարհ:
Ինչպիսի՞ն է ձեր արձագանքը
Զվարճալի
0
Օգտակար
0
Սիրելի
0
Վստահ չեմ
0
