Հայկական ազգային հագուստի նշանակությունը
Հայկական տարազի մասին գրեթե լսել են բոլորը։Այն մեր ինքնությունն է ներկայացնում և հայ լինելու ամենանուրբ կողմն է։ Ահա այստեղ ներկայացնում եմ հայկական տարազի նշանակությունը։
Հայկական տարազի մեջ գերակշռում են Երկրի չորս տարրերի (հող, ջուր, օդ և կրակ) գույները, որոնք հայ փիլիսոփա Գրիգոր Տաթևացու վկայությամբ, արտահայտում են
- երկրի սևությունը,
- ջրի սպիտակությունը,
- օդի կարմիրը
- հրո դեղինը։
Ծիրանին խորհրդանշում է խոհեմություն և ողջախոհություն,
կարմիրը՝ արիություն և մարտիրոսություն,
կապույտը՝ երկնավոր արդարություն,
սպիտակը՝ մաքրություն։
Տղամարդու հայկական տարազ
- Արևմտյան և Արևելյան Հայաստանի տարազի համալիրները տարբերվում են նրանով, որ Արևմտյան Հայաստանում կանացի տարազն աչքի էր ընկնում առավել ճոխությամբ, ավելի հարուստ էր ոսկեթել և արծաթաթել ասեղնագործություններով: Մյուս էական տարբերությունն այն էր, որ արևմտյան բոլոր գավառներում գոգնոցը կնոջ տարազի պարտադիր մասն էր: Այն կապում էին գոտկատեղում, կրծքամասում կամ ուսամասում:
Գուլպան և ոտնամանը հայոց տարազի անբաժան մասն են կազմել, որոնք նաև պաշտպանել են ցրտից: Թե՛ կին և թե՛ տղամարդ հագել են կաշվե սրածայր ոտնաման՝ տրեխ:
