Հավի միս շերտավոր խմորի մեջ
Բաղադրիչներ
- հավի բուդ – 5 հատ
- պատրաստի շերտավոր խմոր – 400-500 գր
- պանիր – 8 կտոր
- սխտոր – 1 պճեղ
- ձու – 1 հատ
- աղ
- ուրց
- պղպեղ սև
- քունջութ
Պատրաստման եղանակ
- Հավի բուդը լավ լվանում ենք և թղթե սրբիչներով լավ չորացնում։ Կարող ենք բդիկներով պատրաստել։ Այնուհետև աղով, պղպեղով, սխտորով և ուրցով համեմում ենք (ըստ ճաշակի)։ Շերտավոր խմորը թողնում ենք փափկի։ Ալյուրով շաղախված սեղանին խմորը երկարությամբ գրտնակում ենք։ Խմորը 1,5 սմ հաստությամբ շերտերի ենք բաժանում։
- Յուրաքանչյուր կտորի կաշվի տակ մեկ կտոր պանիր ենք դնում։ Այնուհետև յուրաքանչյուր կտորը կտրած շերտի մեջ փաթաթում ենք (մոտ 5-6 անգամ փաթաթվում է մսի շուրջ) ։
- Բդերը տեղափոխում ենք յուղաթղթով տապակի մեջ։ Վրձնով յուրաքանչյուր կտորի վրա ձու ենք քսում։ Այնուհետև վրան քունջութ ենք լցնում (կարող ենք սև և սպիտակ քունջութ լցնել)։ Եփում ենք 40-50 րոպե մինչև 180 աստիճան տաքացրած ջեռոցում (մինչև միսը եփվի և ոսկեգույն երանգ ստանա)։
- Պատրաստի ուտեստը կարելի է մատուցել ինչպես սովորական բանջարեղենային աղցանի հետ, այնպես էլ ավելի հագեցնող խավարտի հետ, օրինակ կարտոֆիլի։ Հյութեղ հավի միսը անտարբեր չի թողնի և ոչ մեկին։
Շատ համեղ շերտավոր խմորով բաղադրատոմս ։ Համեմունքներն ըստ ճաշակի կարող եք անել, բայց պետք չէ չարաշահել դրանք, որպեսզի հավի մսի համն ընդգծեք, այլ ոչ թե հակառակը։
