Հայրենիքի պաշտպանության հավատարիմ մասնակիցը
Երևի բոլորս ենք հիշում գնացքի կայարանում անվերջ տիրոջը սպասող շանը՝ Խատիկոյին։ Շան հավատարմության մասին պատմող ֆիլմը թերահավատորեն էր լցրել շատերի սրտերը՝ արդյո՞ք շունը այդքան հավատարիմ է։ Այսօր համացանցի հիթ է դարձել հայկական Խատիկոն՝ Ջոնին։
350 կմ հավատարիմ շունը, Արցախից վիրավոր տիրոջը տեղափոխող ավտոմեքենայի հետևից վազելով, հասել է Երևան։ Արդեն շուրջ 20 օր է ինչ Ջոնիի օրերը մթնում և լուսանում են հիվանդանոցի բակում՝ սպասում է տիրոջը՝ Ռոմիկին։ Ռոմիկը կամավոր մեկնել էր առաջնագիծ և Մարտակերտի փլատակների տակից գտել Ջոնիին։
-Վիրավոր էր, անմխիթար վիճակում,- նշում է Ռոմիկը,- սնունդիս մի մասը տալիս էի իրեն, որ սոված չմնա։
Այսպես խնամելով Ռոմիկը նոր կյանք է տվել Ջոնիին։ Շանը բոլորը հասցրին սիրել։ Շատերը գալիս են Համալսարանական հիվանդանոցի բակ, լուսանկարվում Ջոնիի հետ։
-Ի՞նչ իմանանք, գուցե մի օր Ջոնին էլ դառնա ֆիլմի հերոս,- ասում են հավաքվածները և խնամում շանը, ով ինչպես կարող է։ Ջոնիի օրերը թեև բայց երկնքի տակ, բայց տխուր չեն անցնում։
