Համավարակի ընթացքում հարստացած ԱՄՆ-ը միլիարդատերերի ցանկը

Խոսքն առաջին հերթին այն ընկերությունների սեփականատերերի և հիմնադիրների մասին է, որոնց գործունեությունն անմիջապես առնչվում է առցանց առևտրին  և ծառայություններին, որոնց նկատմամբ պահանջարկն աճել է համավարակի պայմաններում:

Զեկույցի հեղինակներն իրենց ուշադրությունն են սևեռում  այն հանգամանքի վրա, որ համավարակը չափազանց բացասական է ազդել հասարակ ամերիկացիների բարեկեցության վրա: Նրանք բերում են Աշխատանքի նախարարության ավելի վաղ հրապարակած տվյալները, համաձայն որոնց ԱՄՆ-ում գործազրկության նպաստների առաջնային հայտերի թիվը վերջին 11 շաբաթվա ընթացքում գերազանցել է 42 մլն-ը:

Միաժամանակ, ինչպես նշում են փորձագետները, միլիարդատերերի ընդհանուր կարողությունն ԱՄՆ-ում ավելացել է $565 մլրդ-ով: Մասնագետների հաշվարկով՝ դա 19,15%-ով գերազանցում է նախահամավարակային ցուցանիշները: Ներկա դրությամբ ամերիկացի միլիարդատերերի տնօրինության տակ գտնվող միջոցների ընդհանուր ծավալը կազմում է $3,512 տրլն:

Փորձագետներն առանձնացնում են նաև մի շարք հարուստների, որոնց հաջողվել է ավելացնել իրենց կարողությունն ավելի քան 10 մլրդ-ով ընդամենը երեք ամսվա ընթացքում:

Դրանց թվում են՝

– Amazon-ի ղեկավար Ջեֆ Բեզոսը և իր նախկին կինը՝ համապատասխանաբար $36,2 մլրդ-ով եւ $12,6 մլրդ-ով

– Facebook-ի ղեկավար Մարկ Ցուկերբերգը՝ $30,1մլրդ-ով,

– Tesla և SpaceX ընկերությունների ղեկավար Իլոն Մասկը՝ $14,1 մլրդ-ով

– Google-ի հիմնադիրներ Սերգեյ Բրինն ու Լարի Փեյջը՝ համապատասխանաբար $13,9 մլրդ-ով և $13,7 մլրդ-ով

– Microsoft-ի համահիմնադիր Բիլ Գեյթսը՝ $11,8 մլրդ-ով, իսկ կորպորացիայի նախկին գլխավոր տնօրեն Սթիվեն Բալմերը՝ $13,3 մլրդ-ով

– Գործարար և Նյու Յորքի նախկին քաղաքապետ Մայքլ Բլումբերգը՝ $12,1 մլրդ-ով

– Nike սպորտային համազգեստի ընկերության համահիմնադիր Ֆիլ Նայթը՝ $11,6 մլրդ-ով:

Աղբյուր՝ banks.am