«GITC-ը մարզաբնակ երեխաներին հնարավորություն է տալիս ՏՏ ոլորտում կրթություն ստանալու». Լիդա Քերոբյան
Այսօր ձեզ ենք ներկայացնում հարցազրույց Գյումրիի տեղեկատվական տեխնոլոգիաների կենտրոնի մասին կենտրոնի ուսանող Լիդա Քերոբյանի հետ։
– Դե առաջին հարցը՝ մի փոքր ներկայացրեք, թե ինչ է GITC-ը։
– Գյումրիի Տեղեկատվական Տեխնոլոգիաների կենտրոնը մի կառույց է, որը պատրաստում է շուկայում մեծ պահանջարկ ունեցող մասնագետներ ՏՏ ոլորտում: Աջակցում է վերոհիշյալ ոլորտում աշխատանքային շուկայի զարգացմանն ու ընդլայնմանը` միջազգային և տեղական ներդրումների համար գրավիչ պայմանների ձևավորմամբ։
– Իսկ ու՞մ համար է նախատեսված։
– Նախատեսված է աջակցելու դեպի մարզեր ոլորտի հնարավորությունների ուղղորդմանն ու մարզերում երիտասարդների հզորացմանն ուղղված նախաձեռնություններին։
– Ովքե՞ր կարող են դիմել։
– Մարզերում և ոչ միայն բնակվող 16 տարին լրացած այն անձիք ովքեր հետաքրքրված են ՏՏ ոլորտով։
– Ի՞նչ ռեսուրսներ են անհրաժեշտ ընդունվելու համար։
– Անհրաժեշտ են միջին մաթեմատիկական գիտելիքներ և լավ տրամաբանություն։
Իսկ ուսման վճարը չափազանց մատչելի է։
– Նշեցիք ՏՏ ոլորտը, այ կասեք կոնկրետ ի՞նչ մասնագիտական ուղղություններ կան։
– GITC-ում ծրագրավորման դասընթացները կոմպլեկս կուրսեր են՝ բացի մասնագիտական առարկաներից ուսումնասիրում ենք նաև ծրագրավորմանն անհրաժեշտ այլ առարկաներ՝ ծրագրավորման հիմունքներ, անգլերեն, դիսկրետ մաթեմատիկա, ալգորիթմերի տեսություն, ցանցեր, SQL, HTML CSS, JS և Python։
– Իսկ ի՞նչ առանձնահատկություններ ունի GITC-ը։
– Այստեղ առավելությունները շատ են, փորձեմ առանձնացնել մի քանիսը՝ իրականացնում է ՏՏ ոլորտի բարձրակարգ կրթություն՝ ապակենտրոնացման միջոցով։ Մյուս առավելությունը վճարի մատչելիությունն է։ Եվ որ ամենակարևորն է այստեղ հնարավորություն ունենք դառնալու ամենապահանջված և ամենաբարձր վարձատրվող մասնագետներից մեկը։
– Իսկ որքանո՞վ է այն կարևոր մարզաբնակ երեխաների համար։
– Ինչպես գիտենք գրեթե բոլոր բուհերն ու ուսումնական կենտրունները մայրաքաղաում են կենտրոնացած։ Եվ մարզերի երեխաներից ոչ բոլորն ունեն հնարավորություն Երևանում կրթություն ստանալու։ Իսկ GITC-ը ընդլայնել է իր աշխարհագրությունը և մարզերի երեխաներին հնարավորություն ընձեռել որակյալ կրթություն ստանալու։
– Իսկ ի՞նչ օգուտներ եք ստացել։
– Մեծ փորձառություն, պրակտիկ հմտություններ, հիմնարար գիտելիքներ, ծրագրավորման տրամաբանություն, երբ մտածում ես ամեն ինչ մոդելավորել։
– Շնորհակալություն։
– Ձեզ նույնպես։
