Գայա – «Մեր աղոթքները երբեք չեն լռելու…»

Մեր աղոթքները երբեք չեն լռելու։ Որքան էլ աշխարհը լռի։ Որքան էլ չլռեն ձեր զենքերը… Ձեզ ոչ ոք չի ներելու։ Որովհետև չեն ներվում բոլոր նրանք, ովքեր խլում են ուրիշի մոմերը ՝ դեռ չհանգած։ Ովքեր խլում են ուրիշի կյանքերը ՝ դեռ չապրած։ Ովքեր դիպչում են եկեղեցուն, երբ սեփական հոգում չունեն Աստված։ Սա ոչ ոք չի մոռանալու։ Որովհետև չի մոռացվում այն ամենը ։ Որտեղ սրտեր են թաղվել։  Որտեղ մայրը ջրի փոխարեն արցունք է կուլ տվել։  Որտեղ զոհվել է անմեղը ։ Որտեղ մահացել է դեռ չծնվածը։ Չեք կարողանալու պղտորել մեր մաքրությունը։ Որովհետև Աստված վաղուց խաչ է քաշել ձեր պղտորված ու անցած֊գնացած «մաքրության» վրա։ Այս ամենը չի մոռացվելու, բայց անցնելու է ձեր պատմությունը։ Որովհետև անցնում է այն ամենը, ինչը երբեք չի եղել։ Որովհետև ուրիշի պատմության հաշվին կերտված պատմությունը երբեք չի ապրում։ Աստված չի ներում բոլոր նրանց, ովքեր փորձում են աչքի տակ առնել ուրիշի սրբությունը, երբ վաղուց թքել են սեփական չեղած սրբության վրա։ Աստված չի ներելու։ Որովհետև ձեզ ներելը մեղք կլինի։ Իսկ Աստված երբեք մեղք չի գործում։