Ֆորմուլա 1՝ ավտոմրցաշարի աշխարհի առաջնություն, որին մասնակցում են հատուկ ավտոմեքենաներով: Ավտոմեքենաների համար գործում են հետևյալ չափանիշները՝ լայնությունը ոչ ավել 200 սմ-ից, բարձրությունը ոչ ավել 95 սմ-ից, իսկ քաշը չի կարող 600 կգ-ից քիչ լինել:
Ավտոմրցաշարն անց է կացվում օղակաձև ավտովազքուղիների վրա: Ֆորմուլա 1-ի առաջնությունը տեղի է ունենում ամեն տարի և բաղկացած է առանձին էտապներից, որոնք անվանվում են Գրան-Պրի:  Նույն տարվա վերջում պարզ է դառնում առաջնության հաղթողը:
Այս տարի ավտոմրցաշարը ընդհատվել էր կորոնավիրուսի հետևանքով, սակայն այն կվերսկսվի հուլիսի 3-ին Ավստրիայում, ապա տեղի կունենա Հունգարիայում, Բրիտանիայում, Իսպանիայում, Բելգիայում և Իտալիայում:
Նշենք, որ իսպանական Գրան-Պրին նախատեսված էր մայիսին, սակայն ստեղծված իրավիճակով պայմանավորված տեղի կունենա օգոստոսի կեսին:
Հաշվի առնելով անվտանգության կանոնները՝ մրցաշարերը “փակ” կլինեն երկրպագուների համար: