Դուք  դեռ  մտածում  եք` տեղադրել  արևային  մարտկոց,  թե  ոչ,  իսկ  ահա  աշխարհում  ստեղծվել է  մի  ճանապարհ,  որը  ոչ  ասֆալտից   է,  ոչ  էլ  բիտոնից. այն  կառուցված  է  արևային  մարտկոցներից: Որտե՞ղ  է  այն  կառուցվել,  ի՞նչ  նպատակով  և  հաջողվեց  արդյո՞ք: Այս  հարցերի  պատասխանները կստանանք  այս  հոդվածում: Գնացինք:

Պատմություն

2016թ.  Ֆրանսիան առաջարկեց  <<Ուոթվեյ>>  նախաձեռնությունը:  Այս նախաձեռնությունը  բավականին  համարձակ  քայլ  էր: Ըստ  այս  ծրագրի, Ֆրանսիայում  պետք  է  կառուցվեր  ընդհանուր  առմամբ  620 մղոն  (1000 կմ)  երկարությամբ մայրուղի,  որը  պետք  է  կառուցված  լիներ ֆոտովոլտային  պանելներից: Այս  ծրագրի իրականացման համար  անհրաժեշտ  էր  մոտ  5  միլլիոն  եվրո, որը տրամադրելու  էր  Ֆրանսիայի  կառավարությունը:

Նպատակը

Այս  համարձակ քայլի  նպատակը ավելի  քան 5 միլլոն  բնակարանի էլեկտրական  հոսանքով ապահովելն  էր: Սա  բավական  կթեթևացներ  Ֆրանսիայի  մյուս  էլեկտրակայանների  բեռնվածությունը:

Հաջողվեց  արդյո՞ք

2019թ.  դրությամբ  դեռևս  կառուցվել  է  0.62 մղոն (1 կմ)  երկարությամբ  մայրուղի  Նորմանդիայի  գյուղերից  մեկում: Սակայն այս  երեք  տարիների  ընթացքում  այն  ոչ  միայն  չի  գերազանցել  ակնկալիքները,  այլև  չի  արդարացրել  դրանցից  գոնե  մեկը: Այս փոքրիկ  հատվածը  պետք  է էլ. էներգիայով  ապահովեր  5000 բնակարանի,  սկայան  մինչ  այժմ  այս  մայրուղու տրամադրած  էլ. էներգիան  հազիվ  հասցրել  է  դրված  նպատակի  կեսին:

Նպատակային քա՞յլ, թե՞ չհաշվարկված  արկած

Իրականում  այս ձախողման պատճառը  սխալ  հաշվարկներն  էին: Ինչպես  նշում  է  ֆրանսիական Le  Monde  ամսագիրը, այս  ծրագիրը  առաջարկողները  հաշվի  չէին  առել,  որ  երթևեկության  ծանրաբեռնվածությունը, մայրուղու վրա  ընկած  իրերը,  տերևները,  ինչպես  նաև շատ  այլ  երևույթներ  կարող  են  խոչնդոտել  այս  պանելների  աշխատանքին: Արդյունքում այս ծրագիրը  ձախողվեց,  իսկ  դրա  վրա ծախսված  գումարները  չհասան  իրենց  նպատակին:

Աղբյուր ` Big  Think