Ֆարիդա Մալխասյան-«Եռաբլուր»

Ինձ կառավարում են քամին,

Ձյունն ու քարերը:

 

Մի քանի տարի ինձ ստել են

Սուրբ բառի բացատրությունը,

Իսկ հիմա լեզվաբանության ժամանակ չկա:

 

Ինչ-որ մեկն ասում է՝ ցու՞րտ է:

Ինձ վեց զգայարաններից մեկն է բաժին ընկել.

Ես չեմ մրսում:

 

Փողոցի հակառակ կողմում

Խուլ ձայները կյանք են խնդրում:

 

Իսկ ես դեռ կամ ու ապրում եմ:

Ինձ կառավարում են քամին,

Ձյունն ու քարերը:

Ձեզ նույնպես կարող է դուր գալ