Երկրային աստղեր 5. Քամիլա Քաբեյո

Քամիլա Քաբեյոն երիտասարդ կուբա-ամերիկյան երգչուհի է: Նրա համար մեծ նշանակություն է ունեցել «The X Factor» շոուին մասնակցելը, որի շնորհիվ նա մեծ ճանաչում է ձեռք բերել: Շոուի ընթացքում նա միացել է  «Fifth Harmony»  խմբին: Խումբը բավականին մեծ հաջողություններ է գրանցում: Այնուամենայնիվ, Քամիլան 2016 թվականին հայտնում է խմբից հեռանալու մասին: Իսկ դրանից հետո արդեն հանդես է գալիս, որպես մենակատար:

Քամիլա Քաբեյոն ծնվել է 1997 թվականի մարտի 3-ին Կուբայի մայրաքաղաք Հավանայում: 2017 թվականի մայիսին նա հայտարարում է իր առաջին ստուդիական ալբոմի ապագա թողարկման մասին: Այն անվանվում է Camila և թողարկվում է 2018 թվականի հունվարի 12-ին: 2019 թվականի դեկտեմբերի 6-ին նա թողարկում է իր երկրորդ ստուդիական ալբոմը՝  Romance անվանմամբ:

Հետաքրքիր փաստեր Քամիլայի մասին

• ԱՄՆ-ում Քամիլայի ամենասիրելի քաղաքը Նյու Յորքն է: Նա ասում է, որ կցանկանա այնտեղ բնակարան ունենալ, սակայն այնտեղ չի ցանկանա ապրել ձմռանը:
• Նա և Շոն Մենդեսը սկսել են գրել <<I Know What You Did Last Summer>> երգը մինչ եղել են ետնաբեմում Թեյլոր Սվիֆթի համերգի ժամանակ:

• New York Times-ի հետ զրույցի ժամանակ Քամիլան ասել է, որ նա վեգան է:
• Նա շատ է սիրում բանան ուտել:

• Քամիլան սիրում է նաև գիրք ընթերցել, իսկ ամենասիրելի գիրքը՝ <<The Book Thief>>-ն է:
• Նա վախենում է շնաձկներից և օվկիանոսներից: