Երկրային աստղեր 4. Սիա
Սիան աշխարհին հայտնի դարձավ իր հրաշալի վոկալային տվյալներով: Նա նախընտրեց իր արտաքին տեսքը գաղտնի պահել: Այս պարագայում կարելի է ասել, որ Սիայի հայտնի դառնալու գործում նրա արտաքինը որևէ նշանակություն չի ունեցել: Կամ, միգուցե, հենց հանրությանը փոքր-ինչ առեղծվածային թվալն է նրան էլ ավելի մեծ ճանաչում բերել:
Սիա Քեյթ Իզոբել Ֆուրլերը ծնվել է 1975 թվականի դեկտեմբերի 18-ին Ավստրալիայում: Նա իր կարիերան սկսել դեռևս 1990-ականների կեսերին՝ Crips կոչվող խմբում: Այնուամենայնիվ համաշխարհային ճանաչում նա ձեռք է բերում, երբ 2011 թվականին ֆրանսիացի դիջեյ Դեյվիդ Գետտայի հետ ձայնագրում է «Titanium» երգը: Սակայն ամեն-ինչ դեռ առջևում էր: 2013 թվականի մայիսի 6-ին Սիան իր յութուբյան ալիքում տեսահոլովակի հետ միասին հրապարակում է «Chandelier» երգը: Այն մեծ հաջողություն է գրանցում: Դրանից հետո Սիան տեսահոլովակի հերոսուհու՝ Մեդիի հետ հրավիրվում է Էլլեն Դեջեներեսի ամերիկյան շոուին:
Հետաքրքիր փաստեր Սիայի մասին
- «Titanium» երգից հետո ստացած հայտնիությունը կարծես թե Սիային այդքան էլ չերջանկացրեց: 2012 թվականին նա հայտարարեց, որ հոգնել է հանրության ուշադրության կենտրոնում լինելուց և ցանկանում է ապրել այնպես, ինչպես նախկինում: Նա ցանկանում է միայն երգեր գրել այլ կատարողների համար: Չնայած դրանից երկու ամիս հետո թվիթերյան իր էջում գրում է, որ պատրաստվում է իր պրոդյուսերի հետ ալբոմ ձայնագրել:
- Սիան հավատում է այլմոլորակայինների և ջրահարսների գոյությանը:
- Նա վեգան է:
- Սիային բացահայտել է իտալացի մի դիջեյ, երբ նա բարում երգում էր կարաոկե:
- Նրա հասակը 1.63 մետր է:
- Սիան չունի հարազատ եղբայր կամ քույր: Նրա ծնողները երբեք ամուսնացած չեն եղել և իրարից բաժանվել են, երբ Սիան եղել է 10 տարեկան:
