Երիտասարդ գրողների ընտանիք

ԵԳԸ-Երիտասարդ գրողների ընտանիք` թիմին այս անվանումը տվել է Ավետ Բարսեղյանը:

Ամեն ինչ սկսվեց համավարակից:Նազենի Հովհաննիսյանը ինստագրամյան իր էջում սկսեց անցկացնել գրական երեկոներ` լայվ տարբերակով և տաղանդավոր ու երիտասարդ գրողները սկսեցին ճանաչել միմյանց: Սկզբում խումբը փոքր էր` երկու հոգի, այնուհետև երեք և այսպես քիչ-քիչ մտերմացան: Ֆարիդա Մալխասյանը որոշեց միավորել երիտասարդ գրողներին և ինչպես իրենք են ասում` բոլորիս ավելացրեց մեկ խմբում, և հենց առաջին իսկ րոպեից խմբում բոլորը մտերմացան: «Այդ պահին չգիտեմ, թե ինչ էր զգում մեզնից յուրաքանչյուրը, բայց մենք ասես մի ընտանիքի երեխաներ լինեինք` քույրեր ու եղբայրներ» իր խոսքում նշում է թիմի անդամներից Ալլան Մանուկյան: Սեպտեմբերի 6-ին խմբի անդամները ունեցան հանդիպում Նազենի Հովհաննիսյանի հետ(Հանդիպման երեկոյի հոլովակը այս հղումով) : Խմբի անդամները պատմում են, որ առաջին հանդիպումը անմոռանալի էր։ Այնուհետև Ֆարիդա Մալխասյանը հյուրընկալվում է Հանրային Ռադիո «Տաղանդների տաղավար» և հենց այդ ժամանակ էլ Ավետ Բարսեղյանը թիմին տվեց Երիտասարդ Գրողների Ընտանիք անվանումը: Հետագայում ԵԳԸ անդամները խոստանում են անակնկալներ իրենց լսարանի համար, պլանների մասին չեն բարձրաձայնում` անակնկալ է, միայն հարկավոր է հետևել պաշտոնական էջին:

Այն հարցին, թե կա որևէ հետաքրքիր պատմություն, որ թիմակիցները կուզեին հիշել մեկը մյուսի հետևից պատմում են հատվածներ իրենց զրույցներից.

– Ընդ կաֆեյան փոխ ծուխ ելաներ…

– Շարունակեք:

– Ծխից հետո ինչ է ելանե, նորմալ                 է:

– Այֆոն եմ ուզում:

– Հեսա հանգանակություն       կազմակերպեմ:

– Վայ Վիկա, բադ լինեմ` չանես:

– Ի՞նչ գույնի բադ:

 – Ֆար, ապակու սառած ձյունը ո՞նց գրեմ։

– Սպասիր` ասեմ: Մի հատ       կենդանի կար` մեծ կոտոշներով ու   արագ էր վազում: Ո՞րն էր:

– Էդ ի՞նչ կապ ունի սրա հետ: Եղջերու:

– Ա՜այ ապրես, էդ բառն էլ էր «եղ»-ով սկսվում: ԵՂյամ:

ԵԳԸ-ն Կասկադում. մոտենում են լրագրողներ:

– Օ՜, մեզ բլոգերներ են հանդիպել:

– Չէ, մենք գրող ենք: Էդ դուք եք մեզ հանդիպել:

– Օրինակ իմ մականունը Սրբուկ Տիգրանյան է:

– Բեժ:

Թիմի անդամները համերաշխության իրենց գրավական ունեն` «Ես գտածս չեմ կորցնում»:

Վերջում թիմակիցները հիշելով Վարդգես Պետրոյանին՝ իրենց խոսքը ուղղում են լսարանին` . «Հեքիաթ ունեցեք: Ձեր հեքիաթը»…