մեկ գումարծ մեկ
հավասար է ոչինչ.
և առհասարակ կապ չունի
որ գումարելիներից մեկը
ամենօրյա սուրբ է.

ինչ էլ լինի՝
դու պիտի կարոտես քեզ
ու սիրես ներքին վթարներդ.
որ սիրեն ներքին վթարներդ ՝ քեզ.

եթե շատ վթարներ ունես՝
ապա քեզ լավ գիշեր է սպասվում.
շնորհավորում եմ ծնունդդ նոր.

միայն թե ՝
գտիր քեզ մթության մեջ.
բռնիր վերնաշապիկիցդ.
ախր դու քեզ
դուր ես գալիս.

դու լավագույն բանն ես.
ինչ կարող էր լինել քեզ հետ՝
էս գիշերվա հազարին.
էս մոծակներն էլ մի կողմից.

և պետք չէ
ձեռքերը գրպանում
պահած ապրել.

ձեռքերը քո.
ինչ֊որ մեկի ձեռքերը
բաց թողնելու.
կամ վատագույն դեպքում
բռնելու համար են.

դու չես կարող քայլել
ջրերի վրայով.
որովհետև՝
դու պիտի վազես.
վազես՝
ջրերի վրայով.

իսկ հիմա.
պատասխանիր հարցիս՝

ե՞րբ ես վերջին անգամ սիրել քեզ.