Եր Կար – «Չի կարելի»
չի կարելի
ամեն օր
արթնանալ նույն տանը.
և համոզել
կողքիդ քնող կատվին
որ դու նրա տղամարդը չես.
և որ անիմաստ է
շարունակ մլավելը.
որովհետև
բոլորն ունեն
բոլորին.
որովհետև
ոչ մեկը
չունի
ոչ մեկի կարիքը.
որովհետև՝
մարդը
արդեն չի ուզում մարդուն.
որովհետև
լավ է այնտեղ.
որտեղ՝
հղիության 3֊րդ ամսում
մեզ հեռացնում են.
որովհետև
մենք ցավում ենք
ինչպես ատամը.
մենք բռնվում ենք
ինչպես մկանը.
մենք
բռնվել ենք.
և շուտով.
չենք հասցնի
ռիսկի դիմել.
իսկ ռիսկը՝
կդիմի մեզ
դու֊ով.
չի կարելի՝
այդքան շատ
վերջացնել վերջը.
չի կարելի՝
այդքան շատ արթնանալ
նույն տանը.
չի կարելի՝
գեղեցիկ չլինել
այս տգեղ.
տգեղ մարմնում.
նայում եմ ինձ
ու հարցնում
֊ծանո՞թ ենք սիրելիս.
նայում է ինձ
ու պատասխանում ՝
֊աստված չանի.
_______________Եր Կար
Ինչպիսի՞ն է ձեր արձագանքը
Զվարճալի
0
Օգտակար
0
Սիրելի
0
Վստահ չեմ
0
