NewsFlow.am կայքը, կարևորելով անգլերեն լեզվի անհրաժեշտությունը, ձեզ համար պատրաստել է շարք, որի շնորհիվ Դուք հնարավորություն ունեք սովորելու անգլերեն 0-ից։

Այսօր մեր երրորդ դասն է, որի ընթացքում կանդրադառնանք present simple (ներկա անորոշ) ժամանակաձևին ։

Present simple 

✔️Ի՞նչ է ցույց տալիս այս ժամանակաձևը.

• Պարբերաբար կատարվող գործողություն,
• Որևէ ժամանակահատվածում ընդհանրապես չկատարվող գործողություն։

✔️Ինչպե՞ս է կազմվում այս ժամանակաձևը.

🔤 Հաստատական ձևի ժամանակ բայը եզակի թվի երրորդ դեմքի համար ստանում է -s վերջավորությունը, իսկ մնացած բոլոր դեպքերում մնում է անկատար ձևով։ Օրինակ.

Եզակի թիվ.

1. I dance. – Ես պարում եմ։
2. You dance. –  Դու պարում ես։
3. He, she, it dances. – Նա պարում է։

Հոգնակի թիվ.

1. We dance. – Մենք պարում ենք։
2. You dance. – Դուք պարում եք։
3. They dance. – Նրանք պարում են։

🔤 Հարցական ձևի ժամանակ օգնության են գալիս do-ն և does-ը (միայն եզակի թվի երրորդ  դեմքի համար), որոնք դրվում են անձնական դերանուններից առաջ, իսկ երրորդ դեմքը կորցնում է հաստատական ձևում ստացած –s վերջավորությունը։ Օրինակ.

Եզակի թիվ.

1. Do I dance? – Ես պարու՞մ եմ։
2. Do you dance? – Դու պարու՞մ ես։
3. Does he, she, it dance? – Նա պարու՞մ է։

Հոգնակի թիվ.

1. Do we dance? – Մենք պարու՞մ ենք։
2. Do you dance? – Դուք պարու՞մ եք։
3. Do they dance? – Նրանք պարու՞մ են։

🔤 Ժխտական ձևը կրկին կազմվում է do-ի և does-ի միջոցով . do+not (don’t) և does+not (doesn’t) : Սրանք դրվում են անձնական դերանունների և բայի միջև։ Օրինակ.

Եզակի թիվ.

1. I don’t dance. – Ես չեմ պարում։
2. You don’t dance. – Դու չես պարում։
3. He,she, it doesn’t dance. – Նա չի պարում։

Հոգնակի թիվ.

1. We don’t dance. – Մենք չենք պարում։
2. You don’t dance. – Դուք չեք պարում։
3. They don’t dance. – Նրանք չեն պարում։

✔️Ներկա անորոշի հետ օգտագործվում են հետևյալ ժամանակի մակբայները և պարագայական կապակցությունները:

• Often-հաճախ
• Always-միշտ
• Sometimes, occasionally, from time to time- երբեմն, ժամանակ առ ժամանակ
• Usually-սովորաբար
• Seldom, rarely-հազվադեպ
• Never-երբեք
• Every day (year, month, week…)-ամեն օր (տարի, ամիս, շաբաթ)
• Generally-ընդհանրապես

✔️-es-ը ավելանում է բայի հիմքին  այն ժամանակ, երբ տվյալ բայը ավարտվում է s, ss, o, x, sh, ch, y տառերով կամ տառակապակցություններով:Օրինակ՝