Ինչպե՞ս ելույթ ունենալ բազմության առաջ

Գաղտնիք չէ, որ մարդկանց գրավում է բանախոսի գեղեցիկ ու կապակցված խոսքը։ Բանախոսը պետք է ունենա հստակ պատկերացում իր ներկայացրած թեմայի շուրջ և պատրաստ լինի պատասխանելու բոլոր հնչող հարցերին, այլապես չի կարող տպավորություն թողնել և չի հիշվի որպես գրագետ բանախոս։

Դե իհարկե պարզ է, որ յուրաքանչյուր բանախոս, ով դուրս է գալիս բազմության առաջ ելույթ ունենալու պետք է լինի պատրաստված և ունենա գրագետ խոսքը։ Այժմ խոսենք մի քանի կարևոր կետերի մասին, որոնց պետք է ուշադրություն դարձնի յուրաքանչյուր բանախոս։

• Ունեցեք ներկայանալի տեսք։ Ճիշտ են ասում, որ առաջին տպավորությունն ամենակարևորներից է։ Ուշադրություն դարձրեք Ձեր արտաքին տեսքին։ Եթե դուք գնում եք որևէ գիտական ժողովի, որտեղ պետք է ելույթ ունենաք լավ կլինի կրեք դասական հագուստ՝ ավելի լուրջ ու ազդեցիկ տպավորություն թողնելու համար։ Սակայն եթե դուք գնում եք որևէ ամառային դպրոցում դասախոսություն անցկացնելու, որտեղ ավելի ազատ ու մտերմիկ միջավայր պետք է ստեղծեք, լավ կլինի ավելի հարմարավետ, սակայն պատշաճ տեսք ունենաք։
• «Ավելի լավ է մեկ անգամ տեսնել, քան հարյուր անգամ լսել»։ Ապացուցված է, որ տեսողական ընկալումը մարդու մոտ ավելի լավ է զարգացած քան լսողականը։ Ձեր խոսքն ավելի լավ տեղ հասցնելու համար անպայման ունեցեք տեսողական որևէ բացատրություն։ Այն կարող է լինել նկարների, դիագրամների ու գծագրերի տեսքով, ինչը կհամապատասխանի Ձեր խոսքին։
• Մի՛ մոռացեք համեմատությունների մասին։ Համեմատություններն ավելի են հարստացնում խոսքն ու ավելի են կենտրոնացնում դիտորդին Ձեր խոսքի վրա։ Հաճախ արեք համեմատություններ, սակայն մի անցեք սահմանն ու կկատարեք ճիշտ համեմատություններ, որոնք համապատասխանում են Ձեր բանախոսությանը։
• Կարողացեք կառավարել լսարանը։ Լսարանը միշտ պահեք լարված։ Կարիք չկա ասելու, որ եթե լսարանը հոգնի Ձեր միատոն ձայնից ուղղակի կլքի տարածքը։ Հաճախ փոխեք Ձեր ձայնի տոնը, որպեսզի լսարանի ուշադրությունը չշեղվի։
• Խուսափեք մասնագիտական տերմիններից։ Բանախոսության ժամանակ մոռացեք, թե ով եք դուք մասնագիտությամբ։ Մասնագիտական տերմինները կարող են շեղել մարդկանց, քանի որ հնարավոր է նրանք չհասկանան Ձեր թվարկած տերմինները։ Փորձեք խոսել մաքսիմալ պարզ ու հասանելի բոլորին։ Օգտագործեք այնպիսի բառակապակցություններ ու բանալի բառեր, որոնք կօգնեն մարդկանց կատարել գրառումներ։

Կատարեք այս մի քանի պարզ պայմանները, և լսարանը կլինի Ձեր իսկ տրամադրության տակ։