Էլլա Բաղդասարյան – «Մեր սերը պատահական չէր…»

Կյանքս բաժանվեց երկու մասի`
Մինչ սիրելը և սիրելուց հետո:
Գիտե՞ք, հա´ցավը կիսեք մարդկանց հետ,որ վերանա,
Բայց սերը միայն ձեզ մի պահեք:
Ես կկիսեմ քեզ հետ ամեն բան,
Բայց ամենից շատ ես սերս կկիսեմ քեզ հետ,
Քանի որ միայն բաժանելուց է սերը շատանում:
Վերցրեք,տալիս եմ ձեզ ամբողջը,
Ինձ մի գրամ սեր պետք չի´
Ինձ դու ես պետք…
Քանի որ ես քեզ հետ ուզում եմ իմ կյանքը կիսել:
Թանկագի´նս միշտ հիշիր,
Քանի դեռ զարկում է սիրտս,
Այն զարկելու է քեզ համար:
Ու միշտ հիշի´ր,
Որ մեր սերը պատահական չէ´ր:

Ես քեզ սիրել եմ,
Սիրում եմ,
Ու կսիրեմ մինչ վերջին շունչս…