Իսրայելական «Sightbit» AI ստարտափը օգնում է փրկել խեղդվող մարդկանց
Փրկարարներն անում են հնարավոր ամեն ինչ անվտանգությունն ապահովելու համար, բայց նրանք կարող են վերահսկել միայն սահմանափակ տարածություն: Հատկապես դժվար է վերահսկել իրավիճակը խոշոր լողափերում, որտեղ ամեն օր հավաքվում է ավելի քան 10 հազար մարդ: Այս խնդրի լուծումը մտածել է իսրայելական AI նորաստեղծ ստարտափը՝ Sightbit-ը:
Sightbit-ը օգտագործում է արհեստական բանականություն՝ վտանգավոր ափամերձ իրավիճակների մասին փրկարարներին ահազանգելու համար: Պիլոտային ծրագիրը մեկնարկում է հայտնի իսրայելական Պալմաչիմ լողափում արդեն այս տարի: Ծրագրի ներքո, որն իրականացվում է իսրայելական Nature and Parks Authority֊ի հետ միասին, այս տարածքը պետք է դառնա երկրի առաջին խելացի լողափերից մեկը: Ըստ ծրագրավորողների՝ արհեստական բանականության և համակարգչային տեսողության առաջադեմ տեխնոլոգիաները կօգնեն արագացնել վտանգավոր իրավիճակների հայտնաբերումը և նվազեցնել դժբախտ պատահարների թիվը:
«Sightbit-ը, ըստ էության, մեկ այլ փրկարար է: AI-ն վերլուծում է իրավիճակը և որոշում է լողորդների համար հնարավոր սպառնալիքները», – ասում է ընկերության համահիմնադիր և CMO Մինա Շեզաֆը: Հատուկ տեսախցիկները գրավում են լողափի ջրային տարածքը, իսկ ալգորիթմները վերլուծում են այս նյութը իրական ժամանակում:
«Ահազանգերը ցուցադրվում են փրկարարական աշտարակում գտնվող մոնիտորի վրա: Համակարգը նաև ազդարարում է վտանգավոր իրավիճակում հայտնված լողորդների մասին», – բացատրում է Շեշաֆը:
«Կարծես թե մենք առաջինն ենք սկսել օգտագործել AI խորը ուսուցման տեխնոլոգիան՝ լողափին կյանքեր փրկելու համար», – ավելացնում է Sightbit-ի CTO Գադի Կովլերը:
Պալմաչիմ լողափը տեղակայված է նույնանուն Kibbutz Palmachim-i մոտակայքում՝ Ռիշոն Լեզիոն և Նահալ Սորեկ քաղաքներից դեպի հարավ: Հասարակական պարկի կողմից հայտարարված ափամերձ գոտին կազմում է ավելի քան հինգ մղոն (մոտ 8 կմ): Ըստ Sighbit֊ի տվյալների, այստեղ տարեկան այցելում է մոտ մեկ միլիոն մարդ: Ամառվա շոգ օրերին այստեղ կա մինչև 15 հազար հանգստացող:
Sightbit-ի տեսախցիկների օգտագործումը թույլ է տալիս ընդլայնել տեսադաշտը և ավելի արագ արձագանքել առաջացող վտանգներին: Համակարգը վերահսկում է լողորդների գտնվելու վայրը, նախազգուշացնում է ռիսկերի մասին, վերլուծում է ալիքներն ու հոսանքները, ինչպես նաև վերահսկում է հանգստացողների խմբերի տեղաշարժը, հատկապես երեխաների:
«Պալմաչիմ լողափը զբաղեցնում է մեծ տարածք: Երբ մենք տեսախցիկներ էինք տեղադրում, այնտեղ աշխատող փրկարարներին հատկապես գրավեց ափամերձ հատվածի հեռավոր հատվածները տեսնելու հնարավորությունը: Նախկինում լողափի այս հատվածը կարելի էր տեսնել միայն հեռադիտակներով, բայց այժմ Sightbit-ը դա ցույց է տալիս էկրանին», – բացատրում է Շեշաֆը:
Այժմ լողափում կա երեք տեսախցիկ՝ յուրաքանչյուր աշտարակի վրա մեկ հատ: Շեշաֆը ասում է, որ շուտով նրանք կկառուցեն առանձին հենաշար հատուկ տեսախցիկների համար, ինչը հնարավորություն կտա ցանկացած պահի օգտագործել համակարգը` ներառյալ փրկարարների աշխատանքային օրվա ավարտից հետո: Sightbit-ը նախատեսում է նաև ավելացնել մի քանի տեսախցիկներ լողափի ամբողջ երկայնքով:
Պալմաչիմում տեղակայված է Իսրայելում առաջին լայնամասշտաբ Sighbit նախագիծը։ Անցյալ տարվա աշնանը ընկերությունն իր առաջին փորձերն անցկացրեց մի քանի վայրերում, ներառյալ Աշխելոնի և Նահարիայի լողափներում: Այս տարի ստարտափին հրավիրվեց աշխատելու Իսրայելի, Եվրոպայի և Միացյալ Նահանգների լողափերում:
Sightbit-ը հիմնադրվել է 2018-ին՝ Մինա Շեշաֆի, Նեթանել Էլիավի, Գադի Կովլերի և Ադամ Բիսմութի, այդ ժամանակ Բեն-Գուրիոն համալսարանի (BGU) ուսանողների կողմից: Նախագիծը ֆինանսական աջակցություն է ստացել Cactus Capital-ից:
Sightbit համակարգը ոչ միայն վերահսկում է վտանգավոր իրավիճակները ջրում և նախազգուշացնում դրանց մասին, այլ նաև օգնում է վերահսկել մարդկանց մեծ կուտակումները, հետևում է եղանակին և հաշվարկում, թե քանի փրկարար կպահանջվի որոշակի օրը անվտանգության ապահովման համար:
Սովորաբար, իսրայելական լողափերում միաժամանակ, աշխատում են երեք փրկարարներ, որոնցից յուրաքանչյուրը վերահսկում է իրավիճակը առանձին աշտարակից: Շեշաֆը նշում է, որ սա պաշտպանության լուրջ մակարդակ է, ինչը, այնուամենայնիվ, թույլ չի տալիս լիարժեք վերահսկողություն իրականացնել: «Լողափերը չեն կարող թույլ տալ պահպանել իրենց տրամադրության տակ գտնվող բոլոր ափամերձ հատվածները», – բացատրում է նա:
Ըստ Շեշաֆի, նախագիծն իր առջև խնդիր չի դնում փոխարինել փրկարարներին․ Sightbit-ը պետք է դառնա գործիք նրանց համար: Նոր սարքավորումները թույլ կտան ափամերձ աշխատակիցներին ավելի լավ կատարել իրենց պարտականությունները, և հետագայում կարող է դառնալ անվտանգության նոր օպտիմիզացված համակարգի հիմք:
Ըստ Magen David Adom (Hebrew.) իսրայելական ազգային բժշկական ծառայության, անցած լողափնյա սեզոնի ընթացքում (ապրիլ-հոկտեմբեր) Իսրայելում խեղդվել է 46 մարդ: Եվս 228-ը օգնություն է խնդրել ջրի վրա կրած վնասվածքներից, որոնցից 11-ը` վերակենդանացման կարիք ունեին:
Սա ավելի քիչ է, քան 2018-ին, երբ խեղդվածների թիվը կազմում էր 72 մարդ, բայց Շեզաֆը կարծում է, որ Sightbit-ի օգտագործումը հետագայում կնվազեցնի այս ցուցանիշը:
Մահացածներից շատերը գտնվել են այն վայրերում, որտեղ լողալն արգելվում է: «Իսրայելում կան շատ վայրեր, որոնք նախատեսված չեն լողի համար, բայց որտեղ մարդիկ շարունակում են լողալ: Հիմա ոչ ոք չի պաշտպանում նման տարածքները, քանի որ այն շահույթ չի բերում », – բացատրում է նա: Sightbit-ը նախատեսում է նման տեղերը սարքավորել տեսախցիկներով, որոնք կտեղեկացնեն մոտակա լողափերի փրկարարներին հնարավոր միջադեպերի մասին:
«Մարդիկ չեն ստեղծվում, որ օրեր շարունակ աշտարակում նստեն, դա հակասում է մարդկային բնությանը: Երբ պատահարների վերահսկողությամբ զբաղվում է Sightbit֊ը, փրկարարների հնարավորությունները զգալիորեն աճում են․ նրանք կարող են ավելի շատ ժամանակ հատկացնել պարեկությանը և ավելի արագ արձագանքել իրավիճակներին: Բացի այդ, տեսախցիկները կարող են տեղադրվել ամբողջ ափամերձ գծի երկայնքով, և ոչ միայն այնտեղ, որտեղ գտնվում են աշտարակները», – ասում է Շեշաֆը:
