«Ամենահարբեցող» երկրները՝ աշխարհում
Global Drug Survey հիմնադրամը ուսումնասիրել է խմիչքից կախվածության աստիճանը 36 երկրում: 120 000 մարդու շրջանում անցկացրած հարցումը ցույց է տվել, որ ամենաշատը խմում են անգլալեզու երկրներում, հայտնում է РБК-ն: Ամենաշատը մարդիկ հարբելու աստիճանի ալկոհոլ են օգտագործում Մեծ Բրիտանիայում` տարեկան 51 օր, այսինքն` ամեն շաբաթ:
Բրիտանացիներին հետևում են ամերիկացիները` 50 օր, Կանադայի բնակիչները` 48 օր, և Ավստրալիայի քաղաքացիները` 47 օր: Բրիտանիան նաև գլխավորել է այն երկրների ցուցակը, որոնց բնակիչներն ամենահաճախն են հարբեցողության համար բժշկի դիմում:
