Թվային մարդ. ինչ տեսք ունի անմահության կիբերտարբերակը

Անմահությունը ակտիվորեն քննարկվում է դեռ Սուրբ Գրաալի լեգենդի ժամանակներից: Ոմանք նույնիսկ հետամուտ են լինում կրիոգենային սառեցման մահից հետո՝ հուսալով, որ մի օր գիտությունը բավականաչափ առաջ կընթանա նրանց վերակենդանացնելու համար: Մյուսները կարծում են, որ անմահության ճանապարհն անցնում է թվային տարածությամբ:

Տեսությունն այն մասին, որ մարդիկ կարող են թվայնացվել և ապրել համակարգիչների ներսում, քննարկվում է ոչ առաջին տարին: Այնուամենայնիվ, մինչ վերջերս ոչ ոք հետազոտություններից և ենթադրություններից առաջ չէր գնացել։

Նախանցած տարի անանուն խումբը մեկնարկեց Virternity նախագիծը (virtual eternity – վիրտուալ հավերժություն), որի նպատակը թվային կյանքն է բոլորի համար: Աշխարհ, որը չի պատկանի կառավարությանը, այլ ժողովրդին:

Ինչպես նշում են Virternity-ի ներկայացուցիչները, այս թվային աշխարհը կփրկի մեզ և մոլորակը ֆիզիկական սահմանափակումներից և կլինի սկիզբը բոլորովին նոր մակարդակի գոյության: Այնուհետև, առանց որևէ նախազգուշացման, Virternity նախագիծը անհետացավ:

Թվային մարդ

Չնայած մարդկության ապագա էվոլյուցիան լայնորեն քննարկվել է, և բազմաթիվ վարկածներ են ստեղծվել այս թեմայի շուրջ, հավանաբար ոչ ոք այդ հարցին այնքան էլ լուրջ չի մոտեցել: Սկզբում թվում էր, որ Virternity նախագծի հիմնական խնդիրն էր գործարկել նոր թվային արժույթ՝ «Virie», որը կֆինանսավորեր իր աշխատանքը:

Հետաքրքիրն այն է, որ «Virternity» ստեղծողները այնքան մտահոգված էին հանրային սեփականության կարգավիճակի ապահովմամբ, որ շատ քչերը գիտեն կամ գիտեին, թե ովքեր են նրանք: Ակնհայտ է, որ նրանց շարժառիթը կառավարություններին և նրանց գերատեսչություններին խոչընդոտելն էր ենթարկելու նախագծի շահերը կորպորատիվ և այլ ավելի քիչ ցանկալի նպատակների: Բայց անանունությունը նույնպես իր առավելություններն ունի այն դեպքում, եթե ընկերությունը ցանկանա գնալ ընդհատակ, որն էլ, ըստ երևույթին, տեղի ունեցավ:

Ամենամեծ հարցն այն է՝ հնարավո՞ր է ընդհանրապես թվայնացնել մարդուն կամ որևէ այլ կենդանի արարած: Այստեղից էլ սկսվեց բաժանումը երկու տարբեր հոսքերի:

Փիլիսոփայությունն ընդդեմ մտքի բեռնման

Այնպիսի մտածողների կողմնակիցները, ինչպիսիք են Ժիլ Դելուզը և Անրի Բերգսոնը, կարծում են, որ գոյություն ունի ոչ միայն ֆիզիկական մարմին, այլև բարձրագույն գիտակցություն: Նման փիլիսոփայական մտածողությունը հիմնված է երկակիության գաղափարի վրա`միտքն ու մարմինը նույնը չեն: Այդ պատճառով մարդուն թվայնացնելը թվում է անհնար: Ինչպե՞ս տեղավորել մարդու ոգու էությունը համակարգչի մեջ, գրեթե ինչպես ջինին շշի մեջ:

Եվ ընդհակառակը, որոշ հայտնի գիտնականներ և նյարդավիրաբույժներ պնդում են, որ մեզ մոտ ամեն ինչ զուտ ֆիզիկական է: Եթե հնարավոր է մարդու ուղեղը բերել թվային տեսքի, ապա մնացածը հեշտ կլինի կարգավորել: Այնուամենայնիվ, ուղեղը պատճենելը այնքան էլ հեշտ չէ: Որպես լուծում, նրանք առաջարկում են ուղեղի հազարավոր միկրո-բարակ կտրվածքներ անել և պահպանել հայտնաբերված նեյրոնային ցանցը:

Դրա համար անհրաժեշտ կլիներ ստեղծել այնպիսի սարք, որը կկարողանար անել այդ կտրվածքները, այնուհետև գտնել կամավոր: Սրանք կլինեն մահից առաջ փրկված ուղեղի ֆիզիկական կտորներ: Եվ սա մեթոդի թերությունն է: Գործնականում, Nectome ստարտափը առաջարկում է հենց այդպես վարվել և պահպանել ձեր ուղեղը մինչև այն օրը, երբ այն հնարավոր կլինի թվայնացնել:

Մարդը, կամ գոնե իր ուղեղի պարունակությունը, վերջնական հաշվով կտեղափոխվի համակարգչի մեջ և այդպիսով նա կմնա կենդանի կամ հնարավոր է կվերածնվի: Փորձեր են իրականացվել մկան ուղեղը սկանավորելու համար, բայց դրանք հաջողություն չեն բերել:

Ինչ կարող է սպասել մեզ ապագայում

Բացի մեխանիզմներից, որոնք կկարողանային պահպանել մեր նեյրոցանցերը, ի՞նչ ապագա է սպասվում թվային անմահության հասած մարդկությանը: Ըստ Virternity-ի՝ մեծ գիտնականներն ու նկարիչները կկարողանան շարունակել աշխատել դարեր շարունակ, և մենք երբեք ստիպված չենք լինի հրաժեշտ տալ սիրելիներին:

Մոլորակային ռեսուրսների պահանջարկը կտրուկ կիջնի այն մակարդակի վրա, որն անհրաժեշտ է միայն ֆիզիկապես գոյություն ունեցող մարդկանց և, իհարկե, համակարգիչների համար, որոնք սպասարկում են մնացածին: Մոլորակը ինքնին կկարողանա վերադառնալ ավելի բնական վիճակ: Մենք կազատվենք սովից և հիվանդությունից և կապրենք այնպես, ինչպես ուզում ենք, մինչև ժամանակի ավարտը:

Գուցե սա հնչում է որպես սքանչելի նպատակ, ուտոպիական երազանք: Բայց եթե մարդիկ լինեին այդպիսի աշխարհում, արդյո՞ք մենք կօգտվեինք ազատությունից, թե պարզապես կշարունակեինք վերարտադրել թվային դժոխքը: Իսկ ի՞նչ վերաբերում է թվային վիրուսներին և վիրտուալ աշխարհի այլ աղավաղումներին:

Մենք արդեն ունենք այդպիսի նախագծերի փորձ, ինչպիսին է Second Life-ը՝ սա շատ հաջող վիրտուալ աշխարհ է:

Virternity կլիներ ֆիզիկական իրականությունը վիրտուալ իրականության փոխարինելու առաջին փորձը՝ ամբողջական ընկղմամբ: Հենց որ այն թվայնացնեին, հավանաբար հետադարձ ճանապարհ չէր լինի:

Այլ կարևոր հարցեր են ծագում: Որքան հաշվողական հզորություն կպահանջվեր Virternity-ին սպասարկելու համար: Որտե՞ղ կտեղադրվեր նախագիծը, և ինչպե՞ս կարող ենք երաշխավորել, որ ոչ ոք ուղղակի չի անջատելի մեզ կամ չի սեղմի «Ջնջել» կոճակը:

Թերևս այս հարցերին երբեք չի պատասխան չի լինի՝ առնվազն Virternity-ից այն տեսքով, որով այն գոյություն ուներ: Գուցե նրանց մոխրից նոր փյունիկ վեր կելնի, կամ մեկ ուրիշը նրանց տեղը կզբաղեցնի: Բայց այժմ, կարծես, մենք ստիպված կլինենք սպասել, մինչև թվային ուտոպիան կդառնա փաստ, ոչ թե հորինվածք: