Եթե դու ինչ-որ գործ ես անում, և ունկնդրողներդ չեն հավանում, ապա քո արած գործն անիմաստ է / Դիանա Մուրադյան
– Ի՞նչ է ասմունքը:
– Ասմունքը ինձ համար այն է, որ ասմունքողը կարողանում է փոխանցել գրողի ասելիքը, դրան գումարելով նաև իր ասելիքը:
– Ինչպե՞ս եք կապ հաստատում Ձեզ ունկնդրողների հետ:
– Նախ ասեմ որ ես իմ բոլոր ունկնդրողներին շատ եմ սիրում: Կապը կա և իրական կյանքում և օնլայն:
– Ի՞նչ կարևոր գործոն կա, որ պետք է իմանա յուրաքանչյուր սկսնակ ասմունքող:
– Յուրաքանչյուր սկսնակ ասմունքող պետք է իմանա, որ իր համար առաջնայինը ունկնդրողների կարծիքն է։ Եթե դու ինչ-որ գործ ես անում, և ունկնդրողներդ չեն հավանում, ապա քո արած գործն անիմաստ է:
– Ի՞նչն է Ձեզ ոգեշնչում:
– Ինձ ամենաշատը ոգեշնչողը իմ ընկերներն են, իմ հարազատները և իմ ուսուցիչները։ (Ինչու ոչ նաև նախանձողներս)
– Ի՞նչ կոչ ունեք հայ հասարակությանը:
– Հայ հասարակությանը կոչ եմ անում, որ կրեն ձեռնոցներ և դիմակներ։ Քանի որ այդպես կփրկենք հազարավոր մարդկանց կյանքեր և կանցնենք մեր առաջվա կյանքին:
