Google-ը «խելացի» դեբետային քարտ է սկսել փորձարկել

Դեռևս հայտնի չէ, թե այն կդառնա արդյոք սպառողական պրոդուկտ և ինչով է տարբերվելու մրցակիցներից:

Google-ը սկսել է փորձարկել սեփական դեբետային քարտը, որը հնարավոր կլինի կառավարել Google Pay-ի միջոցով: Հաղորդվում է, որ ընկերության նոր արտադրանքն օգտատերերին թույլ կտա ավելի լավ հետևել ծախսերը:

Ի տարբերություն Apple Card-ի՝ Google-ն առայժմ փորձարկում է միայն դեբետային քարտը, և ոչ՝ կրեդիտային: Ընկերության գործընկերներն են լինելու Citi և Stanford Federal Credit Union բանկերը, իսկ առաջին փուլի գործառնության համար պատասխանատու է լինելու Visa-ն: Քարտը նախատեսված է ինչպես առցանց, այնպես էլ ոչ առցանց գնումների համար. այս կապակցությամբ Google-ը թողարկելու է նաև ֆիզիկական քարտեր:

Դեռևս հստակ չէ, թե ինչով է Google-ի որոշումը տարբերվելու մրցակիցներից և առաջարկելու է արդյոք բոնուսային ծրագիր, ինչպես, օրինակ քեշբեքը Apple Card-ում: Օգտատերերը կկարողանան հավելվածում հետևել գնումներին և անհրաժեշտության դեպքում արգելափակել:

Նշվում է, որ Google-ում հաստատել են համագործակցությունը բանկերի հետ, բայց ոչ դեբետային քարտերի մշակման վերաբերյալ: Ընկերությունը մանրամասների մասին տեղեկացնել առաջիկա ամիսների ընթացքում:

2019թ. մարտ ամսին Apple-ը ներկայացրեց Apple Card-ը. այն առցանց կրեդիտային քարտ է, ունի քեշբեք և կառավարվում է հավելվածի միջոցով: Օգոստոսին ընկերությունն այն թողարկել էր, սակայն միայն ԱՄՆ-ում՝ Goldman Sachs բանկի հետ համագործակցությամբ:

 

Աղբյուր՝ shesht.am