Ճանաչիր ինձ – Քրիստինե Մկրտչյան

Բարև ձեզ ես Քրիստինեն եմ Մկրտչյան: Ծնվել եմ 1994թ. հուլիսի 23-ին Գյումրի քաղաքում ։ Մասնագիտությամբ տնտեսագետ եմ, սովորել և ավարտել եմ Գյումրու պետական տնտեսագիտական համալսարանի <<Կոմերցիա >> բաժինը ՝ ստանալով բակալավրի կոչում, այնուհետև ավարտել եմ նույն բուհի <<Բանկային գործի կազմակերպում և կառավարում>> բաժինը՝ ստանալով մագիստրոսի որակավորում։
Աշխատել եմ տարբեր ոլորտներում, ներկա պահին չեմ աշխատում։
Ունեմ բազմաթիվ հետաքրքրություններ և հոբբիներ։ Այդ թվում՝ ընթերցանություն, ֆիլմերի դիտում, երաժշտության ունկնդրում, հելունագործություն, ասեղնագործություն, տարատեսակ թխվածքների պատրաստում և ձևավորում, հետաքրքրվում եմ նաև ծրագրավորմամբ (տիրապետում եմ ծրագրավորման բազային գիտելիքների)։ Այս ամենից զատ սիրում եմ գրել,ուղղակի առանց պատճառի, չեմ էլ հիշում երբ եմ սկսել այսպես ասած ստեղծագործել (դեռ դպրոցահասակ էի), ստացվում է թե ոչ դա էլ չգիտեմ, քանի որ երբեք ոչ մեկին ցույց չեմ տվել։
Կից ուղարկում եմ իմ կատարած աշխատանքներից մի քանի նկար և մեկ բանաստեղծություն։

***
Կյանքն անիմաստ է ապրել առանց քեզ,
Ապրել այն առանց քո հայացքի,
Քո ջերմ մատների, փայլող աչքերի,
Առանց կրակոտ ու տաք շուրթերիդ,
Որքան եմ թաքուն, անքուն մտորել
Սիրո խոսքերիդ, համբույրիդ մասին
Ուզում եմ ամուր, ամուր գրկես ինձ,
Ուզում եմ հավերժ իմ կողքին լինես,
Ուզում եմ սիրես և բաց չթողնես…

2015 թ.

***

 

Հետևեք ինձ ՝ facebook.com

Ձեզ նույնպես կարող է դուր գալ