Կորոնավիրուսը հասել է հարևան պետություններ


Վրաստանում, Թուրքիայում և Ադրբեջանում արձանագրվել են կորոնավիրուսի կասկածելի դեպքեր:


Չինական Վուհանում այս պահի տվյալներով՝ Վրաստանի 5 քաղաքացի կա։ Վրաստանը հայտարարել է կորոնավիրուսի հետ կապված արտակարգ միջոցառումների մասին, երկրի օդանավակայաններում ստուգվում են բոլոր ուղևորները։ Հիշեցնենք՝ նախօրեին հայտարարվեց, որ չեղարկվում են Վրաստան-Չինաստան ուղիղ չվերթները՝ անհայտ ժամկետով։


Հունվարի 16-ին Չինաստանից Կախեթիի վերադարձած Վրաստանի քաղաքացի, 22-ամյա աղջիկը հունվարի 26-ին վիրուսային ախտանիշներով դիմել է բուժհաստատություն:

Այս պահին ընթանում են հետազոտական աշխատանքներ:


Վրաստանի Հիվանդությունների վերահսկման և հանրային առողջապահության ազգային կենտրոնի գիտական խորհրդի ղեկավար Պաատա Իմնաձեի հայտարարությամբ՝ այն ժամանակ, երբ աղջիկը Չինաստանից վերադարձել է, կորոնավիրուսն արձանագրված էր միայն Ուհանում: Նրա խոսքերով՝ այս պահի դրությամբ նշված վիրուսը չի հաստատվել որպես կորոնավիրուս:

Այս մասին հայտնում է AliQ.ge լրատվական կայքը:


Իսկ Ադրբեջանում իշխանությունները հերքում են այն փաստը, որ Ադրբեջանում Կորոնավիրուս է հայտնաբերվել։


azerbaycan24.com -ը՝ վկայակոչելով Ադրբեջանի առողջապահության նախարարության հիգիենայի և համաճարակաբանության հանրապետական ​​կենտրոնի տնօրեն Աֆագ Ալիևային, ասել է, որ Ադրբեջանում հայտնաբերված կորոնավիրուսով կասկածվող ոչ մի հիվանդ չի հայտնաբերվել:

«Առաջարկվող բուժհաստատությունները ստեղծել են անհրաժեշտ պայմաններ վիրուսը հայտնաբերելու համար : կենտրոնական շրջանային հիվանդանոցները հատուկ բաժանմունքներ են ստեղծում հիվանդների համար։ Անհրաժեշտ դեղորայքի և այլ պարագաների տրամադրումը բարձր մակարդակի վրա են»։


Թուրքական dailysabah.com կայքը հայտնում է․

12 հոգուց բաղկացած խումբը, որոնցից 10-ը չինացի զբոսաշրջիկներ են եղել երկուշաբթի օրը կարանտինի տակ են անցել Թուրքիայի Կենտրոնական նահանգի Աքսարայ նահանգի հիվանդանոցներից մեկում, Թուրքիան շարունակում է զգոն լինել, վերջին շրջանում կորոնավիրուսային պանդեմիայի տարածման հավանականությունը կա Չինաստանից կանխելու համար։

Չինաստանում վարակից զոհերի թիվը, ըստ վերջին տվյալների՝ հասել է 106-ի։ Վարակվածների թիվն անցել է 4500-ից։


Հիշեցնենք՝ ընդամենը մեկ օր առաջ հաղորդվում էր 80 մահվան ու 2700 վարակի դեպքի մասին։


 

Ձեզ նույնպես կարող է դուր գալ