Գույների հոգեբանությունը մարքեթինգում. Մաս 2
Գույները բրենդի ամենակարևոր մասն են կազմում: Մարդիկ գույների միջոցով ընկալում և վստահում են տվյալ բրենդին, քանի որ նրանք ենթագիտակցորեն գույները ասոցացնում են տարբեր զգացողությունների հետ:
Երբևէ մտածել եք, թե որն է պատճառը, որ հիվանդանոցներում, բանկերում գերակշռում են կապույտ գույնի տարբեր երանգները.
Պատասխանն ակնհայտ է. մարդիկ այս գույնն ասոցացնում են վստահության և հուսալիության հետ: Մարդիկ կապույտ գույնը ենթագիտակցորեն ընկալում են որպես պատասխանատվության, հուսալիության, վստահության և հանգստության խորհրդանիշ: 
Ինչպես հայտնի է վարդագույնը ռոմանտիկ միջավայրի հիմնական “մեղավորն է”, քանի որ այն ստեղծում է կարեկցանքի և անվերապահ սիրո զգացողություններ: Վարդագույնը համարվում է նաև հույսի նշան:
Կանաչը հավասարակշռության և ներդաշնակության գույնն է: Դա մեզ թույլ է տալիս տարբերել ճիշտը սխալից, քանի որ այն ներառում է ինչպես տրամաբանական, այնպես էլ հուզական հավասարակշռություն:
Կանաչը բնության ամենատարածված գույներից մեկն է, որն արտացոլում է կյանքը, հանգիստը և խաղաղությունը: Դա նաև աճի նշան է ՝ սա վերաբերվում է ինչպես բույսերի աճին, այնպես էլ մարդկանց եկամուտների աճին:
Մանուշակագույնը տիրապետում է կարմիրի էներգիային և ուժին՝ կապույտի կայունությանն ու հուսալիությանը, այն դարձնելով կատարյալ հավասարակշռություն ֆիզիկականի և հոգևորի միջև: Մանուշակագույնը հաճախ օգտագործվում է շքեղություն, հավատարմություն, քաջություն, առեղծված և մոգություն ցուցադրելու համար:
Այս գույնն ասոցացնում են կրեատիվության և նորարարության հետ: Ահա թե ինչու է աշխարհում առաջինը համարվող ստեղծարար հարթակում՝ PicsArt, գերակշռում մանուշակագույնը՝ իր տարբեր երանգներով:
