Չինաստանի բնակչության թվաքանակը գերազանցել Է 1,4 միլիարդը
Չինաստանի բնակչության թվաքանակը, առանց Հոնկոնգ, Մակաո եւ Թայվան հատուկ վարչական շրջանների, 2019 թվականի վերջին ավելացել Է 4,67 միլիոնով՝ գերազանցելով 1,4 միլիարդը: Այդ մասին վկայում են ՉԺՀ-ի պետական վիճակագրական բյուրոյի տվյալները: 2018 թվականին Չինաստանի բնակչությունն ավելացել Էր 5,3 մլն մարդով, տեղեկացնում Է «Արմենպրես»-ը:
2019 թվականին երկրում գրանցվել Է 14,65 մլն նորածին, իսկ ծնելիության գործակիցը հազար մարդու հաշվով կազմել Է 10,48: Նույն տարվա ընթացքում Չինաստանում մահացել Է 9,98 մլն մարդ, իսկ մահացության գործակիցը կազմել Է 7,14՝ հազար մարդու հաշվով: Բնակչության բնական աճը կազմել Է 3,34 մլն մարդ: Տղամարդ բնակիչների թվաքանակը կազմել Է 715,27 մլն, կին բնակիչներինը՝ 684,78 մլն: Բնակիչների ընդհանուր թիվը հասել Է 1 միլիարդ 400 մլն 50 հազարի:
16-ից մինչեւ 59 տարեկան աշխատունակ բնակչության ընդհանուր թվաքանակը 2018 թվականի 897,29 միլիոնից կրճատվել Է մինչեւ 896,4 մլն, ինչը կազմում Է ընդհանուր բնակչության 64 տոկոսը: 2018 թվականին այդ ցուցանիշը 64,3 տոկոս Էր:
2018 թվականի վերջին Չինաստանն ուներ 60-ից բարձր տարիքի 253,88 մլն բնակիչ կամ ընդհանուր բնակչության 18,1 տոկոսը: 65-ից բարձր տարիքի մարդկանց թվաքանակն ավելացել Է մինչեւ 176,03 միլիոն (2018 թվականին 166,58 միլիոն Էր), ինչը կազմում Է երկրի ամբողջ բնակչության 12,6 տոկոսը:
Քաղաքային բնակչությունը մեկ տարվա ընթացքում ավելացել Է 17,06 միլիոնով եւ կազմել 848,43 մլն մարդ, իսկ գյուղականը կրճատվել Է 12,39 միլիոնով եւ կազմել 551,62 մլն մարդ: Քաղաքային բնակչության բաժինը 59,58 տոկոսից ավելացել Է մինչեւ 60,6 տոկոս, հաղորդել Է ՏԱՍՍ-ը:
Ի դեպ, շուտով ձեզ կներկայացնենք փաստեր Չինաստանի մասին:
