Չարլի Չապլին

Անգլիացի կինոդերասան Չարլի Չապլինը (1889-1977) հայտնի է իր համր ֆիլմերով: Լոնդոնում Չապլինը ունեցել է դժվարություններով լի և աղքատ մանկություն. հայրը բացակայում էր, իսկ մայրը ուներ ֆինանսական դժվարություններ: Երբ Չապլինը 14 տարեկան էր, մայրը հայտնվում է հոգեբուժարանում: Վաղ տարիքից սկսած՝ Չապլինը աշխատում էր մյուզիք-հոլլերում, իսկ ավելի ուշ նաև բարձրացավ բեմ՝ որպես դերասան և կատակերգու: 19 տարեկանում պայմանագիր կնքելով Fred Karno ընկերության հետ՝ տեղափոխվեց Ամերիկա: Ֆիլմերում առաջին անգամ Չապլինը հայտնվեց 1914-ին՝ սկսելով իր երկար և բովանդակալից կարիերան այդ ոլորտում: Չապլինը ստեղծում է իր համար թափառաշրջիկի կերպար (Tramp persona), ինչը դուր է գալիս երկրպագուներին, և արդեն 1918-ին նա աշխարհի ամենահայտնի դեմքերից էր: 1919-ին Չապլինը որպես համահիմնադիր ստեղծեց United Artists ընկերությունը: Նրա առաջին լիամետրաժ ֆիլմը “The Kid”-ն էր, որին հաջորդեցին “A Woman of Paris”, “The Gold Rush”, “The Circus”, “City Lights”, “Modern Times” ֆիլմերը: 1940-ին դուրս եկավ նրա առաջին ձայնային ֆիլմը՝ “The Great Dictator”, որը ծաղրում էր Ադոլֆ Հիտլերին: 1940-ականները Չապլինի համար ծանր էին. նրան մեղադրում էին կոմունիստական հայացքների համար, իսկ մամուլի որոշ ներկայացուցիչներ նաև հայրության ճանաչման գործով դատական հայցերի համար: Սա ստիպեց Չապլինին լքել Միացյալ Նահանգները ՝ բնակություն հաստատելով Շվեյցարիայում: 1954-ին դուրս եկավ նրա եվրոպական ֆիլմը՝ “A King In New York”, որը մինչև 1973-ը ԱՄՆ-ում չցուցադրվեց, քանի որ Չապլինը արգելել էր ֆիլմի մուտքը ԱՄՆ: Իր կարիերայի վերջին 2 տասնամյակներին Չապլինը զբաղված էր նախորդ ֆիլմերի նոր տարբերակներ նկարահանելով: 1964-ի սեպտեմբերին տպագրվեց Չապլինի ինքնակենսագրականը, որը դարձավ համաշխարհային բեսթսելլեր:

Չապլինը մահացավ 1977-ի դեկտեմբերի 25-ին՝ քնի մեջ կաթված ստանալով: Չապլինը ստացել է 3 Օսկար մրցանակ, իսկ Հոլիվուդի փառքի մայրուղում ունի աստղ: