Ճանաչիր ինձ – Քրիստինե Կարապետյան
Ողջույն, Ես Քրիստինե Անդրանիկի Կարապետյանն եմ , ավարտել եմ Նորավանի Միջնակարգ դպրոցը (ինձ շատ մեծ հնարավորություններ տված հարազատ դպրոց), ավարտելուց հետո ընդունվել և սովորում եմ Երևանի Պետական Համալսարանի Պատմության ֆակուլտետի Պատմություն բաժնում։ Այս տարի ամռանն էլ ավարտեցի Միջազգային և Անվտանգության հարցերի Ինստիտուտի Ժողովրդավարության դպրոցը (սա մի այլ հաճելի զգացողություն էր) , ակտիվ մարդ եմ ով նաև երկրորդ մասնագիտությամբ լրագրող է , սիրում եմ կյանքն իր բոլոր դժվարություններով ու գույներով։ Ակտիվ հասարակական գործունեությամբ եմ զբաղվում, կամավոր եմ տարբեր նախաձեռնություններում և
ՀԿ-ներում, անդամակցում և աշխատում եմ մի շարք հասարակական կազմակերպություններում։Ինձ համար կարևոր ձեռքբերումներիցս են Արմավիր Ինֆոտան լրագրող լինելը, Արմավիրի Զարգացման Կենտրոնի <<հին>> կամավոր լինելը (սա լավագույն հարթակներից մեկն է մեր արմավիրի երիտասարդների զարգացման համար) , նաև ՀՀ. աշխատանքի և սոցիալական հարցերի նախարարության հետ համագործակցությունս և կարծում եմ համավարակի պայմաններում կարողացել եմ երկու տասնյակից ավել ընտանիքների օգնել , որպեսզի օգտվեն իրենց բաժին աջակցությունից , հաջորդը դա <<Արևելքի երկրների մշակույթի Կենտրոն >> ՀԿ֊ի խմբագրական բաժնի պետ լինելն է , առջևում նաև նոր հաջողություններ են սպասվում ինձ , իմ ձեռբերումներն ու հաջողությսւնները բավական շատ են , բայց չեմ սիրում երբ դրանց մասին ինքս եմ խոսում , ես սիրում եմ լռել և ԳՈՐԾԵԼ։ Փոքրիկ գաղտինք , իմ սեփական բիզնեսի հիմքերն եմ դրել ,որը չնայած դժվարությունների , զարգանում է ու առաջիկայում նաև այդ առումով բավական լավ լուրեր կլինեն ։ Սիրելի զբաղմունքս ընթերցանություն է սիրում եմ կարդալ տարբեր ժանրի գրքեր և՛ օտարազգի գրողների , և՛ հայ գրողների։ Սիրում եմ օտար լեզունների ուսումնասիրությամբ զբաղվել, խորացնում եմ չինարենիս գիտելիքները , սկսել եմ ուսումնասիրել և սովորել թուրքերեն ։Սիրում եմ ինքնակրթվել և անընդհատ նոր բաներ սովորելով զարգանալ։ Բնույթով ուժեղ եմ, չհանձնվող և չափից դուրս աշխատասեր, ինչը վստահ եմ ինձ իմ երանելի բարձրունքին կհասցնի։ Տանել չեմ կարողանում կեղծավոր մարդկանց, շողոքորթող, սիրում եմ ռեալ լինել կամ սա կամ այն , չնայած որ բոլորն են դա ասում, բայց ես հստակ եմ այդ հարցում ՝չեմ շփվում նման մարդկանց հետ ՝անկախ ամեն ինչից , ու փոխում եմ իմ վերաբերումնքը դառնում եմ սառը և անտարբեր նմանների հանդեպ, դե որովհետև իրենք սիրում են թիկունքում խոսել մարդկանց, իսկ ես այդ ժամանակը չունեմ ,այն կարող եմ ռացիոնալ ու շատ ճիշտ մարդկանց հետ օգտագործել։ Ունեմ շատ նպատակներ և երազանքներ , որոնց ըստ հերթականության հասնում եմ, որովհետև կարծում եմ կյանքն այն է ինչ մենք ինքներս ստեղծում ենք , մենք ինքներս ենք որոշում այն՝ անգույն է թե գունավոր, մենք հաջողակ ենք թե ոչ, որովհետև կյանքի յուրաքանչյուր պահը մեզ համար հնարավորություն է նոր բան անելու, սովորելու և հասնելու համար ։ Ես շարժվում եմ Քայլ առ Քայլ Դեպի Երազանք կարգախոսով,դա իմն է ) սակայն երազանքներս շատ են, բայց քանի որ ես դրանք հերթով եմ իրականություն դարձնում այդպես եմ ասում։ Ամեն նոր բան սկսելուց ,առաջ էլ շարժվում եմ հետևյալ մտքով ՝ Առաջին կանոն Չհանձնվել և երկրորդ կանոն միշտ հիշել առաջին կանոնը ։
Որովհետև ես վստահ եմ և այդպես եմ անում, որ եթե ցանկանում եք կյանքում հասնել հաջողության, դարձրեք համառությունը ձեր լավագույն ընկեր, փորձը՝ իմաստուն խորհրդական, զգուշությունը՝ ավագ եղբայր, իսկ հույսը՝ հրեշտակ-պահապան, ինչպես ասել է Ադդիսոնը: Եվ խորհուրդ բոլորին կյանքում չվախենալ ինչ- որ բան անելուց։ Ինչպես ժամանակին ասել է Թ.Ռուզվելտը՝
«Չի սխալվում նա ,ով ոչինչ չի անում»։Թերևս կարճ իմ մասին այսքանը սակայն իմ մասին վստահ եմ դեռ մարդիկ շատ են լսելու։
