Գազարով թխվածք
Գազարով թխվածք պատրաստելու համար անհրաժեշտ է՝
- 2 գազար
- 100 գր չամիչ
- 100 գր ընկույզ
- 100 գր մեղր
- 1 նարինջ
- 2 բաժակ ալյուր
- 1 բաժակ բուսայուղ
- կես թեյի գդալ սոդա
- 1 ճաշի գդալ փխրեցուցիչ
- 3 ճաշի գդալ կակաոյի փոշի
- 2 ճաշի գդալ եգիպտացորենի օսլա
- 1 բաժակ շաքարի փոշի
- նարնջի հյութ:
Պատրաստման եղանակը՝
- գազարները մանր քերել, ավելացնել նարնջի կեղևի քերուկը, խառնել ստացված զանգվածը և դրան ավելացնել նույն նարնջի հյութը, խառնել
- ստացված զանգվածին ավելացնել չամիչը և բուսայուղը, խառնել, այնուհետև ավելացնել մի փոքր տաքացրած մեղրը, նորից խառնել
- ստացված զանգվածին ավելացնել մանրացված ընկույզը, ալյուրը, կակաոյի փոշին, օսլան, մաղով անցկացրած սոդան ու փխրեցուցիչը, խառնել ստացված զանգվածը
- ստացված զանգվածը լցնել նախօրոք պատրաստած ձևամանի մեջ և 1 ժ 180 աստիճանի պայմաններում թխել
- գլազուր պատրաստելու համար խառնել շաքարի փոշին և նարնջի հյութը, տաք վիճակում լցնել թխվածքի վրա, թողնել, որ սառչի:
