Սրճարանները կորոնավիրուսի օրերին
Գերմանիայում կորոնավիրուսային դեպքերով պայմանավորված սահմանափակումները վերացնելուց հետո սրճարաններին թույլատրվել է վերսկսել իրենց գործունեությունը:
Սրճարաններից մեկում՝ Cafe Rothe, սոցիալական հեռավորությունը պահելու համար մշակել են հետաքրքիր և զվարճալի տարբերակ:
Սրճարանի վերաբացման օրը սեփականատերերը բոլոր հաճախորդներին տվել են ծղոտե գլխարկներ, որոնց գագաթներին խաչաձև ամրացված են եղել 1.5 մետր երկարությամբ լողալու գունավոր հարմարանքներ:
Մինչ կորոնավիրուսը սրճարանում առկա էին 36 սեղան՝ ներսում, և 20 սեղան դրսում: Այժմ սոցիալական հեռավորությունը պահպանելու նպատակով ներսում կա ընդամենը 12, իսկ դրսում 8 սեղան
Նշենք, որ այս օրերին սրճարանի կարգախոսն է. «Պահպանեք սոցիալական հեռավորությունը»:
Ավստրիայում նույնպես վերացվել են կորոնավիրուսով պայմանավորված սահմանափակումները, վերաբացվել են սրճարաններն ու ռեստորանները:
Այստեղ անվտանգության կանոններն ավելի խիստ են:
Հետևելով անվտանգության կանոններին՝ սրճարանի աշխատակիցները պետք է ծածկեն իրենց բերանը և քիթը: Դրա համար նրանք կրում են հատուկ թափանցիկ դիմակներ, որոնք ամբողջությամբ ծածկում են իրենց դեմքերը:
Սեղանների միջև հեռավորությունը պետք է լինի առնվազն մեկ մետր : Նույն սեղանի շուրջ կարող են նստել մինչև չորս անձ: Չորսից ավելի մարդ կարող է նստել մի սեղանի շուրջ միայն այն դեպքում, եթե նրանք բնակվում են նույն տանը:
Սրճարաններ և ռեստորաններ պետք է փակվեն ժամը 23:00-ին:
