Հետաքրքիր փաստեր Bitcoin-ի մասին
Վիրտուալ արժույթի ամենատարածված տեսակը հայտնի է Bitcoin (բիթքոյն) անունով: 2008 թվականի հոկտեմբերի 31-ը համարվում է առաջին Բիթքոյնի ծննդյան օրը, այն վճարային միջոց է, որով կարելի է գնել ցանկացած իր և տարաբնույթ ծառայություններ:
Բիթքոյնի գինը շատ փոփոխական է: 2013թ սկզբին այն արժեր մոտ 10-15$, իսկ նույն թվականի վերջին այն դարձավ 1163$: Այս պահին բիթքոյնի գինը 9180.82$ է:
#1 Բիթքոյնի քանակությունը սահմանափակ է
Բիթքոյնի հեղինակը ստեղծել է ընդամենը 21 միլիոն բիթքոյն, այժմ շրջանառության մեջ է միայն 16 միլիոնը
#2 Մայիսի 22-ը համարվում է բիթքոյն պիցցայի օր
2010 թվականի մայիսի 22-ին մի Ֆլորիդացի ծրագրավորող կարողացավ 10000 բիթքոյնով գնել երկու պիցցա: Դա բիթքոյնով արված առաջին գնումն էր:
#3 Եթե կորցնեք ձեր Bitcoin դրամապանակի գաղտնաբառը, կկորցնեք նաև դրանում եղած բիթքոյնները
Բիթքոյնները պահվում են թվային դրամապանակներում: Որտեղ մուտք գործելով՝ կարող եք ստուգել ձեր հաշվեկշիռը: Սակայն անհրաժեշտ է չափազանց զգուշորեն պահպանել գաղտնաբառը. դրա շնորհիվ է, որ կարողանում եք մուտք գործել ձեր թվային Bitcoin դրամապանակ: Եթե կորցնեք այն, ապա կկորցնեք նաև ձեր Bitcoin դրամապանակ մուտք գործելու հնարավորությունը, հետևաբար նաև դրա ներսում եղած գումարը:
#4 Բիթքոյնով արված փոխանցումները հնարավոր չէ չեղարկել
Սովորական փոխանցումները, ինչպես օրինակ բանկային փոխանցումը, հնարավոր է կառավարել և, անհրաժեշտության դեպքում, հետ բերել: Բիթքոյնի դեպքում դա այդպես չէ: Գումարը ուղարկելուց հետո դուք չեք կարող այն հետ գանձել: Ուստի շատ կարևոր է, որ փոխանցում կատարելուց առաջ կրկնակի ստուգեք այն հասցեն, որին ուղարկում եք բիթքոյնը:
#5 Ամենամեծ Bitcoin դրամապանակներից մեկը պատկանում է ԱՄՆ հետաքննությունների դաշնային բյուրոյին
Մի քանի տարի առաջ ՀԴԲ-ն փակեց “Մետաքսի ճանապարհը”՝ ձեռք բերելով աշխարհի բիթքոյնների 1.5%-ը: Այն ստվերում գործող կայք էր, որը հաճախ բիթքոյնները օգտագործում էր գնումներ կատարելու համար:
