«Բարսելոնան»՝ ամենաբարձր եկամուտն ունեցող ֆուտբոլային ակումբ

Deloitte միջազգային ֆինանսական գործակալության կողմից հրապարակել է նախորդ սեզոնի ընթացքում ֆուտբոլային ակումբների եկամուտների վարկանշային աղյուսակը:

Առաջատարը «Բարսելոնա» ֆուտբոլային ակումբն է, որի եկամուտը կազմել է 840,8 միլիոն եվրո: Երկրորդ տեղում կատալոնացիների մրցակից «Ռեալ Մադրիդ» ակումբն է` 757,3 միլիոն եկամտով:

Վարկանշային աղյուսակի երրորդ հորիզոնականը զբաղեցրել է «Մանչեսթեր Յունայթեդը» ՝ 711,5 միլիոն եվրո գումարով:
Նշենք, որ վերջին 22 մրցաշրջաններում առաջին անգամ Լոնդոնի ամենահարուստ ակումբ է ճանաչվել «Տոտենհեմը»՝ զբաղեցնելով վարկանիշի ութերորդ հորիզոնականը։

«Տոտենհեմին հաջորդում են «Չելսին» և «Արսենալը»`համապատասխանաբար իններորդ և տասնմեկերորդ հորիզոնականներում:

Վարկանշային աղյուսակի առաջին տասնյակ է վերադարձել նաև «Յուվենտուսը»՝ Կրիշտիանու Ռոնալդուի ձեռքբերմամբ:
Անցած մրցաշրջանում նրա եկամուտը կազմել է 459,7 միլիոն եվրո:

Աղբյուրը ՝ Dasaran.am