10 օգտակար խորհուրդ ճիշտ բանավիճելու համար։
1. Բանավեճի ընթացքում խուսափեք օգտագործել հետևյալ բառերն ու արտահայտությունները` ես, իմ կարծիքով, ինձ թվում է, ես գտնում եմ, հուսով եմ ։
2. Հիշե՛ք, որ ցանկացած ելույթ համոզիչ են դարձնում փաստերը։ Ազդեցիկ և էմոցիոնալ խոսքն, անշուշտ, ունի իր տեղը, սակայն ամեն մեկը առանձին արժեք չունի։
3. Հարկավոր չէ ներկայացնել փաստեր, որոնք չնայած, որ փաստ են հանդիսանում, բանավեճի թեմայի հետ առնչություն չունեն, կամ ժամանակից դուրս են։
4. Հիշե՛ք, որ բանավեճը հանդիսանում է մտքերի փոխանակում և պետք չէ հիմնվել միայն նախօրոք գրված տեքստերի վրա։ Ողջ բանավեճի ընթացքում միայն ընթերցումը ոչ միայն անհետաքրքիր կլինի հանդիսատեսի համար, այլև կնմանվի նախօրոք պատրաստված բեմականության։
5. Ավելի հստակ ու պատկերավոր ներկայացրեք օրինակները, մի մոռացեք, որ պարզ և հասկանալի լեզուն ավելի ընկալելի է, քան ոչինչ չասող, սակայն առաջին հայացքից կարևորություն ներկայացնող ամպագոռգոռ բառերը։
6. Բանավեճում, կարելի է օգտագործել աֆորիզմներ կամ հայտնի ասացվածքներ, բանաստեղծություններից և այլ գրական ստեղծագործություններից մեջբերումներ։ Սակայն չի կարելի բանավեճը դարձնել գրականության դասաժամ։
7. Որևէ տերմին նշելուց անպայման տվեք դրա բացատրությունը, ցանկալի է նաև նշել, թե որ բառարանն է դա տալիս։
8. Ցանկացած փաստ բերելիս նշեք դրանց աղբյուրը, եթե վերցված է մամուլից կամ ցանկացած այլ գրականությունից, նշեք անվանումը, տպագրված տարեթիվը և հեղինակի անունը։ Եթե նյութը վերցված է ինտերնետից, նշեք հասցեն։
9. Բանավեճի ընթացքում պետք չէ ընդհարվել ո՛չ թիմակիցների և ո՛չ էլ հակառակորդ թիմի հետ։ Հիշե՛ք, որ բանավեճ բառը չնայած ունի «վեճ» արմատը, այն նաև ունի «բան » արմատը, այսինքն բառ, այսինքն բառերիվեճ։
10. Սխալ է քննադատությունը, հեգնանքը, սարկազմը։ Հիշե‘ք, որ բանավեճը նախ և առաջ սովորեցնում է քաղաքակիրթ և ժողորդավար կերպով խոսել և արտահայտվել ։ Կծու արտահայտություններն ու քննադատությունը հակառակորդի կարծիքների նկատմամբ, ոչ միայն ավելորդ և անթույլատրելի են, այլև չափազանց կոպիտ և տգեղ։
Ինչպիսի՞ն է ձեր արձագանքը
Զվարճալի
0
Օգտակար
0
Սիրելի
0
Վստահ չեմ
0
