Աղբի վերամշակում

Աղբի վերամշակում

Վերամշակումը թափոնը նոր նյութերի և առարկաների վերածելու գործընթացն է։ Վերամշակումը կարող է կանխել հնարավոր օգտակար նյութերի վատնումը՝ դրանով իսկ նվազեցնելով էներգիայի օգտագործումը, օդի աղտոտումը և ջրի աղտոտումը։ Վերամշակման ենթակա նյութերը ներառում են ապակու, թղթի, մետաղի, պլաստիկի, անվադողերի և մարտկոցների բազմաթիվ տեսակներ: Վերամշակման ենթակա

նյութերը կամ առաքվում են հատուկ վերամշակման կենտրոններ, կամ հավաքվում են աղբամաններից, այնուհետև տեսակավորվում, մաքրվում և վերամշակվում նոր նյութերի պատրաստման համար։ Արդյունքում հնարավոր է դառնում նույն նյութերն օգտագործել կրկին։ Օրինակ՝ օգտագործված թուղթը կվերածվի նոր թղթի, մետաղական տարան կրկին կդառնա տարա, առանց որակը կորցնելու:

Վերջերս Երևանում էլ պլաստիկի տեսակավորման աղբամաններ են տեղադրվել։ Հայաստանում թափ է հավաքում պլաստիկի, ապակու և թղթի վերամշակումը: Հայաստանում կան աղբի վերամշակման մի շարք ընկերություններ․ Ահա դրանցից մի քանիսը՝

1. ISSD

ISSD-ի նպատակը ՀՀ-ում կայուն զարգացման ապահովումն է` թափոնների կառավարման, գյուղատնտեսության, կրթության, բիզնեսի և կանանց հզորացման ոլորտներում նորարարական ծրագրերի իրականացման միջոցով:

2. «ՄԱՔՈՒՐ ԳՈՐԻՍ»

Ընդունում է և հավաքում պլաստիկ տարաներ, որոնց դիմաց կատարում է վճարումներ՝ ըստ պլաստիկի տեսակի:

3. Էկո աղբ

«ԷԿՈ ԱՂԲ» ՀԿ-ն զբաղվում է թափոնների հավքագրմամբ ու տեսակավորմամբ՝ նպատակ ուենալով տեսակավորումը համապետական գործընթացի վերածել: Հավաքագրվում է թուղթ, պլաստիկ, պոլէթիլեն և ապակի։

4. Սմարտ ապագա

«Սմարտ ապագան» հարթակ է, որը թույլ է տալիս վերամշակել պլաստիկը, թուղթը և ապակին։ Այս հարթակում հայտ լրացնելուց հետո աշխատակիցները պարբերաբար գալիս ու նշված հասցեից (Երևանում) հավաքում են աղբը՝ փոխարենը մի շարք խանութների տրամադրելով զեղչային կտրոններ:

Աղբի վերամշակում