Աուդիտ․ Դաս 13 – Աուդիտորի աշխատանքային փաստաթղթերը
Աուդիտորական մասնագիտական ստանդարտներ 2030 -ում, որը կոչվում է «փաստաթղոավորում», սահմանվում է աուդիտի փաստաթղթերի բովանդակությունը, ձևերը, պահպանումը և նրանից պահանջվող այլ տվյալներ։ Ըստ այդ ստանդարտի աուդիտորը պետք է հավաքի այն բոլոր նյութերը և փաստերը, որոնք որպես ապացույց կհիմնավորեն իր կարծիքը։ Աշխատանքային փաստաթղթերը ներառում են հետևյալ նյութերը․
- Աուդիտի իրականացման պլանը և ծրագիրը,
- Աուդիտի նկարագրությունը և ընթացակարգը,
- Պատվիրատուի հայտարարությունները, պարզաբանումները և բացատրությունները․
- Պատվիրատուի հաշվապահական հաշվառման նկարագիրը,
- Վերլուծական փաստաթղթեր և այլ փաստաթղթեր։
Մանրամասն տեղեկությունների համար պետք է դիմել աուդիտորին։ Աշխատանքային փաստաթղթերը պարունակում են պատվիրատու կազմակերպության հետևյալ փաստաթղթերը․
- Իրավակազմակերպչական ձևի տեղեկություններ,
- Պայմանագրերի և արձանագրությունների պատճեներ,
- Պատվիրատուի գործունեության մասին տեղեկություններ,
- Պլանավորվող գործողության մասին տեղեկություններ,
- Հաշիվների մնացորդների մասին տեղեկություններ և այլն։
Աշխատանքային փաստաթղթերը համարվում են աուդիտորական կազմակերպության սեփականությունը, և կարող են այդ փաստաթղթերի հետ վարվել օրենքով չհակասող գործողություններով։ Աշխատանքային փաստաթղթերը պետք է կազմվի տվյալ պահին․ աշխատանքի յուրաքանչյուր փուլում։ Աշխատանքային փաստաթղթերը ունեն հետևյալ վավերապայմանները․
- Պատվիրատուի անվանում,
- Փասաթղթի անվանում,
- Աուդիտի ժամկետն ու ժամանակաշրջանը,
- Ամսաթիվը,
- Փաստաթղթերի բովանդակությունը,
- Կազմողի և ստացողի ստորագրությունները,
- Փաստաթղթի ստուգման ամսաթիվը։
Փաստաթղթերի մեջ մտնող յուրաքանչյուր թուղթ պետք է ունենա իր համարը։ Աշխատանքի ավարտից հետո աշխատանքային փաստաթղթերը պահպանվում են արխիվում, ոչ պակաս․ քան հինգ տարի։
