Աշոտ Նանայան – «Ինչպես գտնել լավ աշխատանք»
Նախ պետք է ասեմ,որ Հայաստանում լավ աշխատանք գտնելն իրոք դժվար է և պետք է խոստովանեմ,որ ամսական միջինում 120 հզ․ դրամով գոյատևելը այնքան էլ հեշտ չէ,եթե հաշվի առնենք բոլոր այն ծախսերը,որոնք արվում են,որպեսզի հասնես աշխատանքի և ետ վերադառնաս։
Մինչև աշխատանքի մասին մտածելը,նախ հասկացիր,թե քեզ ինչի՞ համար պետք է վճարեն։ Մոռացիր բոլոր դիպլոմներիդ մասին,մի կողմ դիր բոլոր հավաստագրերդ ու թե ինչ կարծիք ունեն ընկերներդ քո մասին։ Արդյո՞ք ուզում ես ամբողջ կյանքդ անցկացնել որպես վաճառող կամ հյուրանոցի աշխատո՞ղ թե՞ ուզում ես փոխել կյանքդ։
Անգամ եթե դու նոր ես ավարտել համալսարանդ․դա դեռ չի նշանակում,որ քո առաջ բազում դռներ պետք է բացվեն։Քեզ պետք է կատարելագործվել,սակայն մինչ այդ հասկացիր,թե որ ուղղությամբ։ Երկար մտածիր,թե ինչ ես ուզում,ինչն է քեզ ավելի հոգեհարազատ,բացահայտիր հոգուդ գաղտնիքները։Եթե արդեն հասկացել ես,ուրեմն ժամանակն է մտածել,թե ինչպես պետք է տարբերվել մյուս մասնագետներից, ովքեր ունեն նույն ուղղվածությունը։
Մեր օրերում մրցակցությունը շատ մեծ է և եթե անգամ սովորում ես անգլերեն,փորձիր ձեռք բերել ինչ-որ ուղղվածություն,որով կտարբերվես. օրինակ բոլոր անգլերեն իմացողներից տարբերվիր բիզնես անգլերենի լավ իմացությամբ։Զբաղվիր ինքնակրթությամբ։ Բոլոր <<Թքած ունենալու նուրբ արվեստները>> հետո էլ կհասցնես կարդալ,իսկ հիմա քեզ անհապաղ պետք է տարբերվել։
Ամենադժվար աշխատանքը ինքդ քո վրա աշխատելն է,ուրեմն սկսիր հենց հիմա, մոռացիր,թե ինչ են ասում ծնողներդ,մոռացիր թե որտեղ են հիմա ընկերներդ և ինչով են զբաղված։ Աշխատիր գիշեր ու ցերեկ։ Պլաններ կազմիր ապագայի և հասիր դրանց քայլ առ քայլ։ Գիտեմ,որ դժվար է,սակայն եթե չպայքարես, հետո ամբողջ կյանքդ կանցկացնես նույն դժվարության մեջ։ Աշխատիր գիշեր ու ցերեկ։ Ոչ ոք չի հիշում երկրորդ ու երրորդ տեղը գրաված մարզիկներին։ Հիշիր սա։ Դու պետք է դառնաս այնպիսի մասնագետ,որ երբ խոսվի այդ մասնագիտության մասին,բոլորը միայն քեզ հիշեն։ Այնուհետև փորձիր աշխատանք գտնել,արդեն լավ պատկերացնելով թե որտեղ պետք է դիմես,որպես մասնագետ։ Գիտեմ,որ որոշ դեպքերում քեզանից փորձ են ակնկալում,սակայն եթե դու իրոք գիտելիք ունես,ունես քեզ ներկայացնելու ձև և հետաքրքիր ժպիտ,ապա հաջողությունն անկասկած կժպտա քեզ։ Գուցե սկզբում քիչ վճարվես,բայց հո լավ գիտես,որ ժամանակի ընթացքում երբ փորձդ ու գիտելիքներդ ավելանան,քեզ ուղղակի ձեռքից ձեռք կփախցնեն,որպես տարբերվող մասնագետ։
Տաշած քարը երբեք գետնին չի մնա։Ուղղակի քեզ պետք է կողմնորոշվել,ընտրել սիրելի մասնագիտություն,առաջ շարժվել և երբեք չհանձնվել։ Եթե կարծում ես որ բիզնեսն ավելի լավ է,էլ ինչ մանագիտություն,ապա հիշիր,որ յուրաքանչյուր գործարար նախ և առաջ պետք է լինի իր գործի գիտակը,հետո միայն մտածի բիզնեսի մասին։
