Ես շատ եմ սիրում գրքերը: Նրանք մարդու լավագույն ուսուցիչներն են ու բարեկամները: Երբ ես գիրք եմ կարդում, աշխատում եմ յուրացնել նրա յուրաքանչյուր տողը: Գրքի ճշմարտությունը ստուգում եմ կյանքում:Սիրում եմ այն գրքերը, որոնք մարդուն զինում են կյանքի ու բնության դժվարությունները, որոնք բացատրում են կյանքի ու բնության երևույթները:

Ամեն անգամ, երբ նոր գիրք եմ վերցնում ու սկսում եմ կարդալ, մտովի ինձ պատկերացնում եմ հերոսնների տեղում: Զգում եմ նրանց հույզերը, մտածմունքները, ցավերը, վշտերը: Յուրաքանչյուրից սովորում եմ շատ ու շատ բաներ: Գրքում ամեն ինչ այնքա՜ն իրական է՝ սերը, հավատարմությունը, դավաճանությունը, կեղծիքը: Այն սովորեցնում է ճիշտ ապրել, հեռու մնալ սխալներ գործելուց:

Ով գիրք է կարդում, նա ունկնդրում է մարդկանց, ովքեր ապրեցին իրենց կյանքը: Եվ նրանց կատարած սխալներից խրատվում է, և սովորում է ատել վնասակարն ու սիրել օգտակարը:

Ես նաև սիրում եմ կարդալ պատմական գրքեր: Այդ գրքերը պարունակում են մի ամբողջ ժողովրդի պատմությունը կամ պատմության դրվագներ: Կարդալով այդ գրքերը, տեղեկանում ես, թե ինչ է կատարվել անցյալում քո ազգի կամ մեկ այլ ազգի հետ: Պատմական գրքերը ուժեղացնում են մարդկանց կամքը, բարձրացնում են մարտական ոգին և քարոզում են սեր հայրենիքի հանդեպ: